Ribadeo, 23 de novembro de 2016. O Concello está a pagar estes días as subvencións por rehabilitación de vivendas do casco vello de Ribadeo. Trátase de 10 expedientes, que corresponden ao décimo convenio asinado entre o Concello, a Xunta e a administración central. E tamén está certificar aqueles correspondentes ao décimo primeiro convenio, segundo deu a coñecer esta xornada o alcalde, Fernando Suárez.
O rexedor contou que “nestes días estamos procedendo ao pagamento das subvencións por rehabilitación de vivendas do casco vello de Ribadeo. Neste caso son dez expedientes que corresponden ao décimo convenio entre o Concello, a Xunta e a administración central. Tamén nestes días estamos certificando aquelas correspondentes ao décimo primeiro convenio. En definitiva estas que acabamos de pagar agora mesmo son dez por un importe total de 100.000 euros e denota o funcionamento normal dunha administración que non debera ser novidade”.
Suárez Barcia dixo: “pero eu quero destacar que a novidade é que se sigue rehabilitando, que todo vai funcionando moi ben no casco vello, que se seguen pedindo día a día licencias de obra atendendo a requerimentos que desde a Oficina Técnica Municipal se lle fan aos propietarios de vivendas que están nun estado de conservación que non é o axeitado porque non teñen a seguridade, a salubridade ou o ornato público debidos e que legalmente se lle require a todo propietario. Entón moitos deles se acollen a subvencións e agora a administración que por unha banda require e esixe, tamén por outra banda colabora”.
O alcalde ribadense sinalou que “é unha honra sobre todo pola riqueza que xera en Ribadeo e non me refiro porque paguen o imposto de construcións, instalacións e obras (ICIO) ao Concello de Ribadeo, senón pola riqueza que xera nos pequenos e medianos construtores, nos contratistas e nos autónomos que están traballando en todo o casco vello de Ribadeo”.
Segundo Fernando Suárez “a día de hoxe debe de haber tanta obra no casco vello de Ribadeo como en dous ou tres concellos xuntos de toda A Mariña, e isto é resultado ordinario dun traballo sistemático destes últimos anos, que está indo ben pero que temos que seguir mellorando e que temos que seguir intensificando”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
