Lugo, 11 de xaneiro de 2017. Os deputados do BNG na Deputación de Lugo reafirmaron a súa proposta para a creación dun plan único de reparto de fondos entre os concellos da provincia similar ao posto en marcha nas Deputación de Coruña e Pontevedra. Os nacionalistas informaron que a creación deste plan será “condición necesaria” para o que o BNG lle dea o seu apoio ao proxecto de orzamentos provinciais do vindeiro ano 2017. Na proposta do BNG “o plan terá unha dotación económica, mínima, de 20 millóns de euros, irá dirixido a todos os concellos de menos de 20.000 habitantes e rexerase por criterios obxectivos para un reparto proporcional e transparente”.
Antonio Veiga dixo que a creación deste Plan Único irá dirixida a englobar todas as axudas da Deputación aos concellos. Xunto co actual plan de obras e servizos, que ronda os 5 millóns de euros, este plan terá unha dotación mínima será de 20 millóns de euros pois englobará tamén outros plans existentes e, sobre todo, os cartos destinados ás subvencións asignadas sen criterios obxectivos. Veiga sinalou que este novo reparto farase “respectando as condicións de poboación, ruralidade, extensión, dispersión, avellentamento, despoboamento, etc… de cada un dos municipios”.
Neste Plan Único deberíanse incluír, cando menos as seguintes liñas: o actual POS; as subvencións excepcionais; os convenios de colaboracións, os plans de cooperación con comunidades veciñais; os plans de emprego que xestiona directamente a deputación; os remanentes que se produzan ao rematar o ano 2016; o servizo de axuda no fogar (SAF); as liñas de aforro enerxético; e todas as liñas de cultura e deporte, etc.
Falta de lealdade do PSOE
“É unha falta de lealdade do PSOE coa oposición estar comprometendo partidas para os vindeiros anos sen informarnos destes convenios encubertos e mentres que teoricamente se están a negociar os novos orzamentos” dixo Xosé Ferreiro. Sinalou que “o PSOE está aprobando, a través da xunta de goberno, algunhas subvencións que inclúen partidas plurianuais e que deixan comprometidos fondos desta Deputación para anualidades vindeiras”. Para o BNG “non é normal que actúe deste xeito un goberno que está en minoría e que vai depender dos grupos da oposición para a aprobación dos orzamentos neses anos vindeiros”.
Falta de contestación á solicitude de información económica
Ao mesmo tempo, dende o BNG tamén informa que levan esperando unha información económica solicitada por escrito hai semanas, información imprescindíbel para poder perfilar a súa proposta de orzamentos. “O feito de que aínda esteamos a esperar esta información económica parece indicar que o PSOE ten pouco interese de chegar a un acordo co BNG e que, en todo caso, prefire caer en mans do PP para volver a “repartirse o pastel” ao igual que ocorreu coa aprobación dos orzamentos do 2016”, afirmou o deputado do BNG Xosé Ferreiro.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
