Ribadeo, 18 de xaneiro de 2017. A xunta de goberno está a conceder licencias de primeira ocupación a varios inmobles que hai anos tiveron problemas urbanísticos co Concello ribadense, segundo deu a coñecer o alcalde, Fernando Suárez.
O rexedor contou que “no Concello nestas últimas xuntas de goberno estanse outorgando unha serie de autorizacións para a legalización de obras de adecuación en interiores de locais e baixos cuberta, correspondentes a varios dos edificios dos que hai tempo tiveron problemas urbanísticos co Concello de Ribadeo”.
Fernando Suárez lembrou que “me estou remontando a hai practicamente dez anos, daquela o Concello deu unha serie de licencias para facer unha serie de posibilidades que a lei permitía naquel momento, o Concello concedeu correctamente as licencias de obra, e daquela os promotores dos edificios foron os que non se axustaron ao que o Concello outorgara. Houbo que facer unha serie de actuacións, de reposición da legalidade, de sancións urbanísticas e económicas nas que uns foron pagando e outros non. O Concello foi a través das vías executivas e nalgúns dos casos chegando á vía de embargo”.
O alcalde manifestou que “a día de hoxe a través da aprobación do Plan Xeral de Ordenación Municipal e tamén nas vixentes leis da Xunta que permite darlle un tratamento de normalidade a esta situación, e permiten legalizala. O vixente Plan Xeral de Ordenación Municipal, que leva en vigor un ano e pico, contempla a posibilidade de que isto se poida legalizar, polo tanto agora nalgúns casos os promotores e noutros as comunidades de propietarios están exercendo este dereito que teñen de normalizar esta situación”.
Suárez Barcia asegurou: “entendemos que se adapta perfectamente a dereito e á lexislación vixente tal e como indican os xuristas do Concello, o secretario e o arquitecto. Tamén evacuamos unha consulta formal ao asesoramento xurídico da Deputación que confirma estes extremos”.
O alcalde subliñou que “agora vaise dar unha normalidade á situación de familias e de veciños que igual estaban soportando unha actuación irregular dos seus promotores no pasado. Agora unha vez que se vaian adaptando á legalidade, conforme á lexislación vixente, deberán solicitar as correspondentes licencias de primeira ocupación coas que poderán deixar de ter luz e auga de obra, e pasarán a tributar como o resto dos usuarios polos servizos de auga e de saneamento domiciliario, e de recollida de lixo”.
Para Fernando Suárez “agora fíxose o que había que facer segundo a legalidade vixente”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
