Dicía Nietszche que Estado era o máis frío dos monstros fríos: “É frío incluso cando minte e esta é a mentira que se desliza da súa boca: Eu, o estado, son o pobo.”
E dita afirmación, que puidera ser unha manifestación ácrata, non deixa de ser perfectamente obxectivable. Despois do absolutismo monárquico do Antigo Réxime alguén cavilou que para seguir asoballando ás masas o mellor era darlles algún dereito. Así, baixo unha presunta legalidade formal, poderíase manter o vello sistema plutocrático. Mudar todo para que non cambie nada –ou case-.
Así se aprobou este mércores o Real Decreto 1/2017, das cláusulas de chan das hipotecas, mudar todo para que non cambie nada.
Debe saber, estimado amigo, que en plena borracheira da burbulla inmobiliaria e do crédito barato se concertaron hipotecas a tipo de interese variable que contiñan cláusulas abusivas. Debe saber que cando os índices de referencia caeron a mínimos históricos a cuota do seu préstamo non decreceu. Pero sobre todo debe saber que a normativa en materia de consumo, que determina a nulidade das cláusulas solo e outros produtos financeiros, estaba vixente e era de obrigado cumprimento cando se comercializaron.
¿Onde estaban daquela os organismos públicos de control? ¿Que papel tivo en todo este proceso o Banco de España?
Enfermidade e vacina ou como apagar o lume con gasolina; aqueles que autorizaron a saída a bolsa de Bankia, os que consentiron a venda masiva de participacións preferentes ou toleraron o evidente déficit de información na contratación de hipotecas, queren erixirse en salvadores. Pensan que perdimos a memoria, eles din: eu, o estado, son o pobo.”
Centrándonos xa no Decreto debe saber que se establece un procedemento de reclamación extraxudicial que é un mes máis lento na súa tramitación que o que xa existe, e advirte a aqueles que fagan uso del que si en vía xudicial se lle concede unha cantidade inferior á ofrecida polo banco poderá ser condenado en costas. Todo isto cun laciño de cor azul e vermella.
Noutra orde de cousas sabemos que estes días o custe da luz está na mente de case todos, e razóns non faltan porque case doce millóns de usuarios veranse afectados polas oscilacións das últimas poxas, acadando nestas datas prezos máximos históricos. Din tamén que a fiscalía do Tribunal Supremo abrirá dilixencias para investigar este feito.
O acceso ó traballo, á vivenda, á enerxía, á saúde… Todos estos dereitos recoñecidos na Carta Magna do 78, os cales nin o mercado é capaz de prover, nin a o estado é capaz de protexer. A solución a todo este revoltixo só pode pasar por nós, por reivindicar consciencia e compromiso, sensu contrario novos líderes seguirán a prender lume e apagar con gasolina.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
