Mondoñedo, 20 de enero de 2017.- A alcaldesa de Mondoñedo, a popular Elena Candia, valora de xeito moi positivo os contactos e as reunións mantidas en FITUR, o que permitirá “seguir espallando o potencial que atesoura Mondoñedo”.
Á volta da súa visita a Madrid, a rexedora fai un balance “excepcional” do paso da localidade pola Feira Internacional de Turismo, FITUR, así como da presentación da Casa de Galicia en Madrid do informe ‘Mondoñedo, municipio para investir’.
En concreto, Elena Candia manifesta a súa satisfacción polas reunión con axencias e touroperadores, con empresas de aventura e con bloggeros de relevancia internacional. A estas reunións, sumáronse dous encontros de traballo nas que “avanzamos en proxectos moi interesantes que esperemos que vaian collendo forma nos próximos meses”, precisa.
A alcaldesa de Mondoñedo agradece a gran receptividade amosada polas axencias coa oferta que presentou a localidade na feira ao tempo que pon de relevo o interese que Mondoñedo esperta “alí onde o damos a coñecer”. Entres os atractivos que máis se valoran, engaden, está a Cova do Rei Cintolo ou os talleres de artesáns, de enorme interese para o perfil do turista que busca novas experiencias.
Por último, Elena Candia agradece o traballo levado a cabo por Turismo de Galicia e a súa colaboración para que os concellos teñan presenza en lugares tan importantes como FITUR para dar a coñecer e potenciar os destinos de interese “máis alá das nosas fronteiras”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
