Viveiro (Lugo), 05 de xaneiro de 2017.- O delegado territorial da Xunta en Lugo, José Manuel Balseiro, explicou esta mañá que a Consellería de Política Social inxecta anualmente en Viveiro máis de 2,6 millóns de euros para o sostemento das 238 prazas existentes nesta localidade nos distintos centros que prestan servizo e atenden a persoas dependentes ou con necesidades especiais.
En particular, o delegado explicou que a Xunta apoia con cargo aos fondos autonómicos as 150 prazas que concerta na residencia para persoas maiores que xestiona Geriatros en Viveiro, para o que destina un montante de 1,9 millóns de euros, converténdose no servizo que maior orzamento recibe
Tamén o Goberno galego achega recursos para o centro ocupacional de ASPANANE, con 40 prazas, o que supón un investimento de 191.506,08 euros e de 70.928 euros en materia de transporte, e para o centro de día que xestiona esta mesma entidade, xa dirixido para persoas con maior grado de discapacidade ou dependencia, e no que se ofrecen 18 prazas por un orzamento de 190.509,84 euros e de 31.878,00 euros
Centro de día de Cruz Vermella
Balseiro fixo estas declaracións no transcurso da súa visita ao Centro de día de Celeiro emprazado nunha instalación de titularidade da Xunta de Galicia xestionada por Cruz Vermella Española. No caso particular destas instalacións, a Xunta concerta 30 prazas, cu investimento anual de 189.789 euros.
Trátase dun recurso capaz de ofrecer unha atención integral ao enfermo de Alzheimer e á súa familia durante todo o proceso dexenerativo que leva asociado, polo menos ata o momento en que as condicións recomenden o acceso do enfermo a outro tipo de centro de ampla estancia. A través deste recurso búscase dar resposta ás necesidades dos usuarios desde unha perspectiva transdisciplinar; tamén prestar apoio a aqueles familiares que teñen a responsabilidade do coidado do usuario; dar atención profesional ás necesidades básicas, terapéuticas e socioculturais dos usuarios; e, finalmente servir como un instrumento de apoio que favoreza a permanencia das persoas con esta enfermidade na súa contorna habitual.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
