Ribadeo, 19 de xaneiro de 2017.- O alcalde de Ribadeo, Fernando Suárez, e a concelleira de Turismo, Ana Martínez, desenrolaban durante a xornada de hoxe no marco de Fitur, unha serie de encontros entre os que cabe salientar as reunións mantidas cos embaixadores de Cuba e Arxentina aos que lles presentaron o proxecto do Ribadeo Indiano.
A edil nacionalista explicaba esta tarde que “durante todo o día, xunto co alcalde e a técnica de turismo, estivemos traballando en diferentes actividades. A primeira hora reuniámonos co embaixador de Cuba no stand, e pola tarde estivemos na embaixada cubana onde nos recibiu a agregada cultural para presentar ao igual que ao embaixador, ese proxecto do Ribadeo Indiano, que este ano está na súa cuarta edición”.
A responsable de Turismo pensa que “podemos esperar proxectos interesantes que nos vinculan con Cuba onde parte da nosa xente emigrou a primeiros do século XX, e que precisamente nos dá lugar a participar nese Ribadeo Indiano”.
Ana Martínez detallaba que “ademais pola mañá tivemos a sorte de que o embaixador arxentino se achegou ao stand de Galicia e aquí mesmo, diante da gran foto que temos da praia das Catedrais, mantivemos unha charla o alcalde e eu con el de aproximadamente quince minutos, onde amosou un gran interese polo Ribadeo Indiano, e presentámoslle o caderno de bitácora que fixemos exclusivamente para traer ás embaixadas”.
A concelleira ribadense manifestaba que “creo que case nos deu o compromiso da súa visita e tamén da súa participación no Ribadeo Indiano 2017, incluso falamos, e el mesmo falaba da vinculación que tiña desde Arxentina, e como buscar eses lazos de unión da nosa xente que naquel momento marchou, e que volveu, como foi o caso dos irmáns Moreno ou outros moitos, que como digo dan lugar a que hoxe poidamos estar traballando e no verán celebrando ese Ribadeo Indiano xa na súa cuarta edición”.
Mañá, venres, será o momento de achegarse ata a Embaixada de Uruguai, seguindo así coa axenda de traballo a desenvolver estes días en Madrid.
Ana Martínez engadía que “tamén estamos na presentación da Mancomunidade, e seguimos traballando nas portas do stand de Galicia, ademais de visitando diferentes stands de axencias buscando que teñan ese interese por Ribadeo, que poñan nas súas rutas a Ribadeo como un punto importante para visitar, e para que cada vez veña mellor e máis turismo a Ribadeo”.
A delegación de Ribadeo tamén está a presentar o proxecto Ribadeo Eventos a diferentes touroperadores que estes días participan en Madrid na Feira Internacional de Turismo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
