Burela 19-1-17. O novo técnico do Pescados Rubén Burela FS, Tomás de Dios López (Burdeos, 1965), foi presentado oficialmente esta mañá, acompañado polo presidente da entidade, Manuel Blanco, e o fundador de Pescados Rubén, Rubén Blanco. “Defensa, valor e compromiso”, así define Tomás de Dios os seus sinais de identidade e as do novo Pescados Rubén: “Quero transferir a miña identidade de equipo traballador, sacrificado, humilde pero tamén ambicioso, de equipo que vai ir ao límite en cada partido” explicaba o adestrador.
Manuel Blanco deu a benvida ao novo dirixente do banco laranxa, con contrato de dúas tempadas e media, co firme “propósito dun traballo conxunto para poidamos solucionar a complicada situación que atravesamos. Sempre tivemos os pés no chan, o noso obxectivo sempre foi a salvación, pero tamén esperamos un maior rendemento do equipo e por iso traballaremos todos xuntos, coa chegada de Tomás”.
O ex-seleccionador de Guatemala asume as rendas, confiando na capacidade de traballo e a unión do club para que o Burela FS poida vivir tempos mellores. “É unha situación atípica e delicada. O primeiro obxectivo é que a situación deportiva cambie co esforzo de todos os ámbitos, non só xogadores e corpo técnico, senón da parte administrativa, de xestión e directiva, que sexamos todos un equipo” explicaba o técnico, confesando a súa atracción e motivación polo proxecto galego: “A día de hoxe é moi difícil atopar un proxecto deportivo compatible, de feito cando saín de España uno dos motivos foi ese. Con Pescados Rubén síntome identificado; aquí hai un traballo de canteira, algo moi importante para min, un proxecto deportivo e unha institución que é un referente dentro da localidade. En todos os clubs que estiven sempre traballei coa base de forma comprometida, responsable e profesional, e de aí sempre saíron xogadores”. “Foi unha situación que se precipitou un pouco, pero tamén consensuada e meditada. Había un interese previo por ambas as partes e sempre houbo un bo entendemento. Veño a un equipo novo na máxima categoría co privilexio de que entro a formar parte do único club que ten equipos en Primeira masculina e feminina no panorama español. Detrás diso hai toda unha localidade; o fútbol sala é o deporte máis importante desta comarca e queremos buscar esas identificacións coa bancada” incidía así o ex-técnico de Autos Lobelle sobre a relevancia do fútbol sala laranxa.
Con Pescados Rubén Tomás volve á “mellor liga de mundo” para seguir medrando da man do conxunto burelista: “Veño de cumprir un soño; Guatemala deume a oportunidade. No noso deporte non hai olimpíadas, así que o soño era o mundial. Con todo, para min volver á liga española é fundamental. Son moi consciente e moi realista de que onde se segue progresando e aprendendo é nesta competición, por iso está considerada unha das ligas máis fortes do mundo”.
Estrea con Movistar e con Copa Galicia
O debut ás ordes de Tomás de Dios xa será mañá coa 17ª xornada de Primeira coa visita do titánico Movistar Inter FS (Vista Alegre, 21.00 horas). “É a cita máis complicada que se podería presentar. Ninguén querería enfrontarse a Movistar cun adestramento e medio de preparación, pero esa é a realidade; asumímolo con incerteza. A realidade é que Inter é superior, pero tamén sabemos que xogamos na casa e que teremos opcións de partidos; se neses momentos somos capaces de ser fortes mentalmente, buscaremos sacar algo positivo” reflexionaba Tomás de Dios antes do seu primeiro adestramento co cadro mariñán.
Catro días terá o novo Pescados Rubén para preparar a cita irmandiña, con Cidade de Narón, en cuartos (martes 24, 19.30 horas): “É unha competición que me encanta; tiven o privilexio de gañala 5 veces e de xogar 6 ou 7 finais. Eu considérome un pouco galego de adopción e sei o importante que é para os galegos. Ímola xogar con esa relevancia e co merecemento, que hai gañalo na cancha, de presentarnos nunha final” concluía o novo técnico laranxa.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
