Cervo, 7 de febrerio de 2017.- O alcalde de Cervo, trasladouse esta mañá a Madrid para participar nunha reunión da Comisión de Medio Ambiente da Federación Española de Municipios e Provincias (FEMP), que preside.
Entre os diferentes asuntos e propostas que se incluíron na orde do día, presentouse un informe sobre as actividades da Rede de Gobernos Locais + Diversidade, da que Cervo forma parte dende finais de 2016, convertíndose así no primeiro municipio de Lugo en adherirse a esta sección.
Dende Cervo, sinala Villares, “creemos que é de vital importancia traballar conxuntamente para velar polo medio ambiente e a súa conservación, por iso no seu día levamos a pleno a proposta de sumarnos a esta sección, encamiñada á promoción de políticas locais para o uso sostible dos recursos naturais, á preservación do patrimonio natural dos nosos municipios, así como ao fomento do desenvolvemento rural, sempre baixo criterios de sostenibilidade”.
Neste senso, a través da delegación de Medio Ambiente, no concello de Cervo “estamos a definir xa unha estratexia en materia ambiental, un compromiso que adquirimos ao adherirnos á Rede de Biodiversidade, que xirará sobre tres eixos: a reforestación de tódolos montes de propiedade municipal con árbores autóctonas, a educación e a loita contra as especies exóticas invasoras, como a uña de gato ou os chamados plumeros, que temos localizados en varias zonas do municipio”, engade o alcalde.
Neste senso, o Concello de Cervo leva traballando xa varios anos na reforestación dos montes de titularidade municipal, e tamén en colaboración coas diferentes asociacións de montes veciñais, plantando especies autóctonas, prestando especial atención a aquelas produtivas como os castiñeiros; pero ademais, na actualidade, estase a traballar na posta en marcha dun programa educativo co que se pretende divulgar entre os máis pequenos a mensaxe do respecto ambiental.
Asi, dende a delegación de Medio Ambiente, vanse a programar visitas as dúas depuradoras do municipio, para que os nenos coñezan o camiño que seguen as augas residuais que xeramos e o tratamento ao que se someten. Deste xeito, Villares recorda que “no Concello temos dúas prantas depuradoras totalmente diferentes, a ubicada en Cervo que fai un tratamento ecolóxico da auga a través de prantas macrofitas, e a de San Cibrao, unha depuradora de útlima xeración, de tratamentos físicos e químicos”.
Trátase polo tanto dun proxecto -apunta Villares- “no que queremos prestar especial atención á educación práctica en materia ambiental porque estamos convencidos de que é nas idades temperás cando mellor prende a concienciación, neste senso, entendemos que é fundamental formar pequenos que sexan no futuro adultos máis responsables, sensibles e comprometidos co medio”.
Dende Cervo, “felicitámonos por ternos adherido a esta Rede, e queremos compartir esta proveitosa experiencia con aqueles municipios que aínda non o fixeron”, deste xeito, -engade- “como alcalde e tamén como Presidente da Comisión de Medio Ambiente da FEMP, convido a tódolos Concellos a que se sumen a esta sección”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
