Ribadeo, 7 de febreiro de 2017. O traballo e o proceso de internacionalización da Asociación de Profesores de Automoción de Galicia non para. Nunhas semanas chegarán a Murcia dous técnicos carroceiros para contar as súas experiencias durante 15 días e ata Ribadeo chegarán outros dous técnicos alemáns. O ribadense Álvaro Doural, presidente de Apaga, subliña que “cada vez estamos a recibir máis peticións dos nosos socios para realizar este tipo de actividades, que seguiremos a centrar no mundo da automoción”. Apaga conta con 96 socios en Galicia e 53 polo resto da xeografía española. Tamén continúan as saídas formativas dos profesores de Apaga. Para este ano teñen previstas 11. A primeira será o vindeiro mes de marzo a Francia. E ademais a asociación recibirá a compañeiros de centros de Estonia, Turquía e Croacia, que chegarán á Mariña luguesa.
O presidente de Apaga manifestou que “en principio nós estamos abertos a traer técnicos doutros países do que é o mundo do automóbil, pero tamén doutras áreas como fixemos a pasada fin de semana cun produtor francés de agricultura ecolóxica. Estamos centrados principalmente no tema do automóbil, hai un compoñente económico que non nos podemos pasar dentro das nosas posibilidades, pero si estamos dispostos a seguir nesta liña”.
Álvaro Doural salientou que “a nosa asociación é practicamente nacional, e está previsto que neste ano dous técnicos carroceiros de Italia estean en Murcia quince días e uns técnicos alemáns posiblemente veñan a Ribadeo. Agora están empezando a xurdirnos peticións de case todo España, hoxe pola mañá recibín unha chamada de Palencia, a semana pasada outra de Valencia, é dicir que continuamente están aparecendo novos socios, xente que se está incorporando doutras comunidades, e creo que hai que dar resposta a todo iso sen perder a nosa base e sen esquecer as nosas orixes, que é o noso país”.
O presidente de Apaga engadiu que “no mes de maio vai estar tamén un profesor de Estonia aquí facendo unha estancia formativa, vai haber un grupo de profesores de Turquia que van estar aquí este ano aproximadamente durante unha semana. Hai outro grupo de Croacia que tamén solicitou poder vir a estar aquí unha semana, á comarca da Mariña Están continuamente aparecendo cousas novas, ata cousas moi curiosas como por exemplo da Guayana francesa que é un país, unha colonia francesa xunto a Brasil, co que este ano establecemos relación tamén. Eles teñen programado tamén unha visita aquí á Mariña. Están saíndo continuamente cousas e o problema é poder atender todo iso porque iso require un traballo importante”.
Sobre as saídas formativas nas que tamén participa Apaga Álvaro Doural indicou que “imos inicialas agora en marzo, a primeira será a Francia. Este ano temos once saídas e a rede internacional cada vez se vai ampliar mais. Neste momento está en vinte países da Unión Europea. Cada ano vanse incorporando novos países e novos socios. Este ano incorpórase Macedonia e tamén Suecia. A idea é tentar que todo iso sexa un valor engadido para Galicia e para A Mariña, e niso estamos”.
Este traballo de internacionalización de Apaga incluíu esta pasada fin de semana a visita dun produtor ecolóxico de Francia Jean Pacheco quen estivo en diferentes puntos da Mariña e do Occidente asturiano. Álvaro Doural asegura que “marchou cunha impresión eu creo que moi positiva, moi a ter en conta pola xente da Mariña, que é o potencial que teñen determinadas zonas da Mariña para o desenvolvemento de actividades de agricultura ecolóxica ou doutro tipo. Nas reunións houbo bastante debate e a xente plantexaba cousas, o que si está claro é que hai moitas cousas que non son extra polables aquí porque París e París”.
Álvaro Doural cre que “nestas xornadas de traballo sacáronse cousas moi positivas. É outra cultura a nivel de consumidores que é o que marca a diferenza. Aquí hai cousas que son impensables neste momento, especialmente a colaboración que teñen os consumidores cos produtores, cousa que aquí non existe. Saber que ten unha parte pedagóxica e didáctica por parte do consumidor, a relación entre o empresario e o consumidor”.
O presidente de Apaga pensa que “aquí neste momento é o que está falto, que a xente coñeza verdadeiramente cómo se produce con todo este tipo de técnicas. Non se están aproveitando as oportunidades. O sector primario está moi desaproveitado, será tamén porque durante moito tempo levou moitos paus e nalgún aspecto segue a levalos e a xente está desanimada. Especialmente eu creo que todo o que é o traballo manual neste país ten un grande desprestixio e mentres iso non se supere é difícil saír adiante. Eu creo que verdadeiramente esa é a crise do país”.
Doural fixo un balance moi positivo da visita cursada por Jean Pacheco, que pasou por Tapia, Ribadeo, Mondoñedo e Lourenzá.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
