Ribadeo (Lugo), 24 de maio de 2017.- A Consellería do Mar leva investidos no último ano 1.281.000 euros en 18 proxectos de índole económica e social impulsados a través do Grupo de Acción Local do Sector Pesqueiro (GALP) Mariña Ortegal.
O delegado territorial, José Manuel Balseiro, visitou hoxe a empresa Bombóns Moreno, que foi unha das beneficiadas por este programa de axudas. O delegado coñeceu as instalacións e as novas liñas de produción da man da propietaria da firma, María José Ríos, acompañados pola xerente do GALP, Mar López-Leitón, entre outros.
Balseiro explicou que está en marcha unha nova convocatoria de axudas ao abeiro do convenio plurianual que manteñen a Consellería do Mar e o GALP Mariña Ortegal, polo que a primeira destina máis de 7,6 millóns de euros para a execución da estratexia aprobada para esta zona.
O pasado ano obtiveron financiamento 14 proxectos produtivos e 4 non produtivos. A empresa de bombóns ribadense figura entre os primeiros, xunto con outros negocios do sector turístico na Mariña, un almacén frigorífico de peixe e cetaria de mariscos en Rinlo, ou a ampliación da produción de xeo na lonxa de Burela, entre outros.
No apartado de investimentos non produtivos, subvencionáronse, entre outros, o proxecto O Vicedo, historia e cultura mariñeira, do concello e a ACIA do Vicedo, e aos concellos mariñáns de Ribadeo e Burela para desenvolver, xunto co de Cedeira, o proxecto Entre arcos e acantilados.
Balseiro lembrou que neste momento está en tramitación a convocatoria correspondente ao 2017, da que sairán novos proxectos financiados a través deste programa de axudas.
Os GALP dan continuidade ao traballo desenvolvido dende os GAC, que desempeñaron un importante papel como xestores de multitude de proxectos que incidiron na mellora económica do noso litoral. Estas organizacións son entidades sen ánimo de lucro de carácter supramunicipal promovidas pola Unión Europea, formadas por axentes tanto públicos como privados das oito zonas de actuación constituídas. Traballan co fin de mellorar a capacidade organizativa do sector pesqueiro, crear emprego arredor deste colectivo, fomentar a diversificación para os profesionais do mar e conservar e valorizar o patrimonio natural e cultural marítimo-pesqueiro, entre outras cuestións.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
