Compostela 25-5-17. A semana próxima Compromiso viaxa a Bruxelas cunha delegación formada por representantes de entidades de diferente tipo de Galicia. O obxectivo da viaxe é coñecer de primeira man en que punto está o traballo desenvolvido por Izaskun Bilbao, a eurodiputada adscrita a CxG, sobre os temas que os colectivos presentaron a través dela.
As iniciativas que trasladan a Europa os galeguistas son de diversa índole e fan referencia a cuestións de relevancia para varios sectores da sociedade galega e moitas delas, as que presentan os colectivos de eido local, son de vital importancia para as zonas nas que traballan eses colectivos.
Esta é a listaxe de entidades e colectivos que viaxan a Bruxelas:
GRUPO ECOLOXISTA ADENCO, de Ponteareas.
Adenco solicítalle ao parlamento europeo que requira ao comisario de medio ambiente, Karmenu Vella, que reabra a investigación pola vulneración da normativa comunitaria no lic río tea.
AMINO. Abuso y maltrato infantil NO, Galicia.
Amino fai as seguintes propostas:
-Activación do Observatorio Galego da Infancia
-Difusión da Campaña “Un de Cada Cinco” en tódolos centros educativos de Galicia
-Creación de equipos forenses especializados en maltrato e abuso sexual infantil
-Creaciónde equipos terapéuticos especializados en maltrato e abuso sexual infantil
– Coordinación dos equipos de valoración e intervención.
ASOCIACIÓN DE COLLEITEIROS EMBOTELLADORES DO RIBEIRO. Solicitan que se dean pasos cara a “despolitización” das Denominacións de Orixe.
ASOCIACIÓN DE VECIÑOS A XESTA DE LALÍN, propón unha serie de medidas concretas para acabar co despoboamento e envellecemento do rural.
COGAMI. Confederación Galega de Persoas con Discapacidade. Pregunta á Comisión Europea sobre os Centros Especiais de Emprego e a Regulamentación sobre PEMES. En concreto se podería estudar a Comisión a posibilidade de non aplicar o concepto de entidade vinculada aos Centros Especiais de Emprego sen ánimo de lucro, sempre que non se supere o volume de negocio establecido para definir unha PEME.
COLECTIVO PATRIMONIO DOS ANCARES. Este grupo dos Ancares solicita unha serie de actuacións encamiñadas á protección do Patrimonio histórico, moitos dos casos que expoñen son de propiedade privada, aí está a súa singularidade.
AGRUPACIÓN LOCAL DE COMPROMISO POR GALICIA EN SAMOS. Trasladan a súa preocupación polo estado de deterioro do Camiño Francés que usan os peregrinos a Compostela, sobre todo no seu paso por Samos.
COMUNIDADE VECIÑAL DE MONTES EN MAN COMÚN DE CERVO. Solicitan a creación dun rexistro de Comunidades de Montes en Man Común que permita o control das mesmas e das súas actuacións. A inscrición neste rexistro sería unha condición obrigatoria para poder acceder a axudas económicas, coas que as pequenas comunidades puideran ser sostibles.
FEDERACIÓN ALZHÉIMER GALICIA.Queren saber cales son as principais liñas de abordaxe desta temática dende a perspectiva da Unión Europea, os prazos que barallan para a súa aplicación é o grao de esixencia aos países membro nesta problemática de primeira orde.
GRILLE, SOCIEDADE COOPERATIVA GALEGA. Esta entidade quere saber se a Unión Europea pode tratar a o asunto do abandono de terras para o seu cultivo no rural, provocado polo envellecemento e o despoboamento do noso rural.
PLATAFORMA DE AFECTADOS POLOS ABUSOS DO MERCADO ELÉCTRICO con base en San Cibrao, Cervo, Lugo. Denuncian unha serie de irregularidades que ao seu entender están cometendo as empreses enerxéticas. Moitas destas irregularidades teñen que ver co uso fraudulento dos novos contadores dixitais que se instalaron e se están a instalar por todo o país.
SALVEMOS CATASÓS. Inciden no deber de preservar o bosque galego autóctono ou primitivo, evitando a deforestación para facer fronte ao cambio climático e quecemento global do planeta.
SARELA, ASOCIACIÓN DE DANO CEREBRAL ADQUIRIDO, SANTIAGO.
Presentan unha serie de iniciativas co fin de mellorar tanto a calidade de vida das persoas afectadas por DCA como para o estudo das súas causas. Así como tamén propoñen unha maior “fiscalización” do acceso a educación,emprego, recursos residenciais etc., para estas persoas.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
