RIBADEO, 25 de maio de 2017.- O deputado autonómico, Daniel Vega, amosa “a súa absoluta sorpresa”, ante o que considera “un atrevemento sen precedentes” por parte do alcalde de Ribadeo ao dicir que a Xunta de Galicia non se implica coa posta en marcha da residencia da terceira idade desta localidade. E é que, o Goberno galego “sempre tivo vontade en colaborar con esta infraestrutura. Tanto, que foi a administración de Feijóo a que se ofreceu dende o primeiro momento para concertar prazas e axilizar así a súa posta en funcionamento.”
Por iso, considera que, dende o inicio, o alcalde “foi un mal xestor, pois renunciou no seu día á oferta que se lle fixo de concertar 40 prazas das 47 existentes. Ë dicir, preferiu recibir medio millón de euros para financiar a construción, que ter 40 prazas pagadas pola Xunta para sempre”, insiste.
Segue “sen facer os deberes”•
Deste xeito, o deputado popular quere deixar claro que “quen falla neste asunto non é a Xunta, senón que é o propio alcalde”. Daniel Vega fai esta aseveración porque o rexedor “non fixo os deberes nin antes, nin agora”. E é que a entidade local aínda non remitiu ao Goberno galego o informe necesario para que a administración autonómica faga efectiva a colaboración.
Concretamente, dito documento foille requerido á entidade local en agosto de 2014, hai case 3 anos, cano se lle propuxo un convenio de colaboracióin para financiar a residencia. “Esta é a única verdade en este asunto. A Xunta pídelle a Ribadeo o mesmo que lle pide a todos os concellos cos que colabora nunha iniciativa semellante. O que pretende facer o alcalde, non é outra cousa que engañar, pero as mentiras en política, teñen as patas moi curtas”. Por este motivo, e ante o que considera “unha clara falta de verdade á realidade, pide ao rexedor que deixe de enganar aos cidadáns deste xeito, que deixe de enredar e que afronte a realidade. Se Ribadeo non ten aínda o apoio da Xunta e porque ao alcalde non lle interesa a colaboración do Goberno galego. Do contrario, non se entende tal disparate, nin tal deixadez de funcións”, defende.
A Xunta cumpre a Lei
Pero é que, ademais, a Xunta de Galicia está a cumprir escrupulosamente a lexislación que rexen un proceso destas características. Tal é así que se trata dun procedemento perfectamente regulado no artigo 3 da Lei autonómica 5/2014 de medidas urxentes e reforma da administración municipal e no previsto no artigo 23 da Lei estatal 27/2013 de racionalización e sostibilidade da administración local. Este mesmo requisito aparace recollido tamén no artigo 68 da Lei 13/2008, de 3 de decembro, de Servizos Sociais de Galicia.
“Os documentos están aí, polo que lle pedimos ao alcalde que dea a cara e diga a verdade. A Xunta simplemente cumpre a lei, e dubidamos que o Concello dea subvencións sen a correspondente xustificación”, conclúe o deputado no Parlamento de Galicia.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.