Mondoñedo 27 de maio de 2017.- A alcaldesa de Mondoñedo, Elena Candia, anunciou esta mañá que a ponte de pedra sobre o río Masma, localizada na parroquia de Viloalle, será arranxada grazas a colaboración entre o Concello e a Xunta de Galicia.
A rexedora local explica que esta histórica infraestrutura necesita dunha intervención “que permita manter no mellor estado posible a súa estrutura, dado o deterioro que foi sufrindo co paso do tempo”. En concreto, Candia precisa que se actuará sobre as pedras rotas que presenta a construción co obxecto de “garantir a consolidación da estrutura”.
O Concello de Mondoñedo xa actuou o pasado ano na contorna da ponte de pedra coa finalidade de poñer en valor esta localización. Así, a alcaldesa lembra que daquela realizáronse labores de limpeza e desbroce nas dúas marxes da estrutura construíndo na zona, incluso, un banco de descanso para os pescadores.
As actuacións que acometerá agora o Goberno local, coa implicación da Xunta de Galicia, para acondicionar e arranxar unha ponte que presenta deterioros e perdas, suporá un investimento duns 15.000 euros.
A alcaldesa explica que se trata dunha demanda dos veciños da localidade dada a historia e a importancia desta infraestrutura de pedra. “Estamos ante un ben patrimonial, que debemos coidar e manter, e incluso convertelo nun recurso turístico, evitando tanto a súa degradación como a da súa contorna”.
Ademais, Candia non só pon en valor o aspecto patrimonial deste ben, senón que tamén destaca que “estamos ante unha ponte que segue a prestar un importante servizo aos seus veciños, que a empregan para cruzar a rúa evitando deste xeito usar a estrada pola que circulan os vehículos e sorteando tamén unha considerable curva”.
Por último, a alcaldesa precisa que a posta en valor da ponte de Viloalle é unha demanda dos veciños da localidade dada a historia e importancia desta infraestrutura de pedra, que data de novembro de 1758. “Traballamos para mantela nas mellores condicións e traballaremos para que as súas inmediacións permanezan limpas e coidadas”, conclúe.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
