Mondoñedo, 29 de maio de 2017.- A voceira do equipo de Goberno de Mondoñedo, Ángeles Rodríguez Rico, pídelle á voceira do PSOE, Esperanza González, “máis traballo pola veciñanza e menos crítica infundada”. Desde o Goberno municipal censuran que a socialista busque derivar a atención polo lío que teñen no seu partido “cando o prioritario é traballar e facer achegas en positivo”.
A voceira considera que os erros e lapsus da socialista no último Pleno son froito de ser unha mindoniense “de fin de semana e a entender a política como un instrumento para acadar o seu posto de traballo na Deputación de Lugo e non para traballar polos veciños e veciñas de Mondoñedo”. “Fáltanlle ganas, fáltalle traballo e sóbralle mala intención para cargar desprestixiar ao equipo de Goberno”, lamenta Ángeles Rodríguez Rico.
Así, o Goberno municipal lamenta que a súa única preocupación sexa insultar á alcaldesa e non achegar ningunha proposta de interese para mellorar a calidade de vida dos seus veciños e veciñas. “Mondoñedo necesita de todos e por iso a convidamos sempre a traballar por Mondoñedo e abandonar a súa estratexia de medias verdades ou mentiras que conta”, engade.
Os problemas do PSOE impídenlle traballar por Mondoñedo
A voceira do Goberno municipal atribúe estes erros e saídas de ton da socialista á preocupación que vive na Deputación polos problemas que atravesa o PSOE. “Sentimos que non lle quede tempo para sumarse ao noso proxecto que non é outro que traballar para que os turistas veñan a Mondoñedo e conseguir investimentos para mellorar a calidade de vida de todos os veciños e veciñas, que foi para o que nos elixiron”. “Un traballo que, engade, sería máis doado se non houbera que pagar as súas débedas”.
Preguntas fóra de prazo
En canto ás criticas sobre a actitude ditatorial da rexedora, a voceira do Goberno municipal refréscalle a memoria á socialista e recórdalle a transcrición a man das alegacións do PXOM cando o PP estaba na oposición. Explícanlle a Esperanza González que se non se lle responde ás preguntas é porque as rexistra fóra de prazo, a escasas horas do Pleno, o que responde a unha acusada falta de traballo. “Debera ser precisa no que di atendendo ao posto que ocupa na Corporación e recoñecer que cando mete unha pregunta fóra de prazo, a maior parte das veces, sempre se lle responden no seguinte Pleno”.
Por último, desde o Goberno local recórdanlle que dar cifras equivocadas ou manipuladas pode ser obxecto de inxurias e calumnias, polo que lle piden rigor e seriedade na súa labor como partido da oposición.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
