Lugo, 25 de maio de 2017.- O Grupo Provincial do PP rexistrou esta mañá unha moción para o seu debate na próxima sesión plenaria, que terá lugar o vindeiro martes, a través da que insta ao actual Goberno socialista da Deputación de Lugo que adopte, de maneira urxente e inmediata, todas as medidas necesarias para finalizar os proxectos que anunciaron no seu día os executivos socialistas na institución provincial e que suman retrasos de preto de dez anos.
En concreto, os populares piden a posta en funcionamento necesaria das piscinas climatizadas de Monterroso e da Pastoriza, dos centros de atención a persoas maiores, do centro de recría, da sala para despece de caza de A Fonsagrada, da nova sede da UNED en Lugo, do edificio de enxeñería civil, da praia fluvial na cidade de Lugo e do complexo turístico de benestar social en Augasmestas, entre outras.
Ante esta situación, os populares desmenten as declaracións do expresidente, José Ramón Gómez Besteiro, quen aseguraba que durante os seus mandatos cumprira con todo aquilo que prometera, xa que a día de hoxe “os proxectos estrela vendidos e impulsados durante o seu Goberno provincial seguen sen estar rematados e, polo tanto, sen prestar o servizo para o que son levados a cabo”, lamentan.
Dende o Grupo Popular tachan esta situación de “moi grave” dado a importante cantidade de fondos públicos, cifra que supera os 33 millóns de euros, destinados a uns proxectos inacabados pese ao tempo transcorrido dende que se anunciaron. “É necesario que dende a Deputación se cumpra cos compromisos adquiridos e que se poñan a traballar para que estes proxectos non se queden en meros anuncios propagandísticos”, reclaman.
Proxectos inacabados
Entre os proxectos inacabados, os populares na súa iniciativa fan referencia ás piscinas climatizadas dos concellos de A Pastoriza e de Monterroso, cuxas construcións se adxudicaron nos anos 2009 e 2010, respectivamente, e cun investimento de máis de tres millóns de euros. Transcorridos máis de sete anos no caso da piscina de A Pastoriza e máis de seis na de Monterroso, ningunha destas dúas infraestruturas ten abertas as súas portas ao público.
A mesma situación se dá co proxecto de construción e xestión dos centros de atención a persoas maiores. Dende a aprobación en outubro de 2010 da encomenda de xestión á Suplusa e tras investir máis de 15 millóns de euros, non se ten creado nin unha soa praza.
Os populares tamén mencionan o proxecto do centro de recría na Granxa Gayoso Castro que se anunciou que se convertería nun referente do sector agropecuario e que estaría en funcionamento no ano 2009. Despois de oito anos, non é unha realidade pese a que a súa inversión supera os 12 millóns de euros.
Ademais, segundo engaden dende o PP, entre os incumprimentos dos Gobernos socialistas existen outros proxectos que se anunciaron no seu día e tiveron investimento por parte da institución provincial e que, a día de hoxe, tamén seguen sen estar en funcionamento. Entre eles, atópase a sala de despece de caza de A Fonsagrada, a nova sede da UNED en Lugo, o edificio para a Escola de Enxeñería Civil, a praia fluvial na cidade de Lugo e o complexo turístico de benestar social en Augasmestas.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
