Ribadeo, 21 de xuño de 2017. O alcalde, Fernando Suárez, ven de facer público un novo Bando para a celebración das fogueiras de San Xoán, tras a comunicación da Consellería de Medio Rural no día de onte na que se prohiben ata novo aviso as queimas agrícolas e forestais polas condicións meteorolóxicas e o índice de risco de lume. O novo Bando do Concello subliña que non se poderán facer fogueiras en terreos agrícolas, en terreos forestais e en zonas de influencia forestal. Desta prohibición queda excluído o solo urbano e o núcleo rural.
Fernando Suárez anunciou que “acabo de asinar un novo Bando que ven modificar o que se fixo hai uns días tendo en conta a comunicación que no día de onte recibimos da Consellería de Medio Rural da Xunta de Galicia, na que se prohiben expresamente e ata novo aviso, as queimas agrícolas e forestais polas condicións meteorolóxicas e o índice de risco de lume”.
O rexedor ribadense subliñou que “hai que ter en conta que pasado mañá son as fogueiras do San Xoán, e tanto en Ribadeo como en todos os concellos da Mariña, é unha tradición innegable onde hai centos de fogueiras. Para o caso de Ribadeo a xente ven solicitalo aquí como fai todos os anos. E agora con este novo bando vimos modificar o artigo 2, do emitido hai uns días, onde dicíamos antes simplemente que non se podían facer fogueiras en lugares próximos a tendidos eléctricos, edificios ou calquera outro no que puidera crearse situacións de perigo, pero agora engadímoslle en letra ben grande para que todo o mundo teña coñecemento de que non se poderán facer fogueiras en terreos agrícolas, en terreos forestais e zonas de influencia forestal, o que se entenden como franxas circundantes dos terreos forestais cunha anchura de cen metros aproximadamente”.
O alcalde de Ribadeo dixo que “queda excluída desta prohibición o solo urbano e o solo de núcleo rural, nestes casos tanto no ámbito da vila como no ámbito dos núcleos rurais exclusivamente si que é competencia municipal e en principio aí se poden autorizar. Entendemos que pode haber moita xente que descoñeza onde empeza o ámbito de núcleo rural e onde acaba, onde empeza o ámbito de terreo rústico ou forestal”.
Suárez insistiu en que “recomendamos encarecidamente que para o caso de non saber con certeza se onde se pretende facer a fogueira puidera estar afectado por esta prohibición, que se absteñan de realizar a queima. Para o caso de emerxencia que contacten co 112 ou con Protección Civil de Ribadeo. É unha medida precautoria, a seca é importante, vemos o que está pasando por aí adiante non moi lonxe de aquí e entendo que toda precaución é pouca”.
O rexedor engadiu que “o que ocorre é que con esta notificación que nos mandou a Xunta onte á noite, digamos que hai moi pouquiño tempo para manobrar, e polo tanto a primeira hora da mañá fixemos un novo Bando que incorpora os condicionantes que a Xunta nos marca para o solo rústico e forestal. Queda o solo de núcleo urbano da vila de Ribadeo e o solo de núcleo rural das parroquias baixo o mandato do Concello, pero para o resto terán que facer moito caso do que indica a Xunta”.
Fernando Suárez fai fincapé en que “en caso de dúbida mellor que non fagan a fogueira”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
