Lugo, 20 de xuño de 2017. O Deputado de Turismo, Eduardo Vidal Baamonde, o Alcalde do Vicedo, Jesús Novo Martínez; e á Directora de Turismo da Xunta de Galicia, Nava Castro; acompañados polo Delegado Territorial da Xunta en Lugo, José Manuel Balseiro Orol, presentaron este martes a II Romaría Vikinga, que terá lugar os días 28 e 29 de xullo no Vicedo. O Goberno da Deputación colabora coa celebración deste cita turística e cultural cunha achega económica de 6.000 euros.
Vidal Baamonde subliñou que “dende o Goberno da Deputación colabora con esta iniciativa co obxectivo de promocionar un enclave natural extraordinario da Mariña lucense, como é a Praia de San Román, ao mesmo tempo que potenciamos e impulsamos a actividade económica e turística do Concello do Vicedo, pois espérase que para esta segunda edición participen máis de 5.000 persoas”.
O día grande da festa será o 29 de xullo no que terá lugar o desembarco na praia de Area Grande (San Román), onde desenvolverase o espectáculo matinal con cabalos, cabaleiros e unha grande ambientación viquinga a cargo das asociacións xuvenís do Vicedo. Pola tarde, realizaranse obradoiros, demostracións de loita e actividades infantís na zona do campamento, situada na área oeste da praia. Ademais, este ano instalaranse dúas zonas de mercado viquingo, onde se poderá adquirir artesanía e produtos autóctonos.
Programación
A xornada comezará na Casa da Cultura, o venres 28 de xullo ás 19:30 horas, co pregón do xornalista Ernesto Sánchez Pombo, na que despois haberá unha charla do arqueólogo Iñaki Sagredo. O sábado dia 29 de xullo terá lugar o desembarco a partir das 12:30 na praia de Area Grande, en San Román. A continuación haberá un espectáculo artístico a cargo do dúo Queiman e Pousa. Pola tarde o programa conta con exhibicións de loita, e pola noite baixada ata a praia, onde continuarán as actuacións musicais. Durante os dous días os visitantes poderán desfrutar de rutas de tapas, ambientación musical polas rúas do Vicedo, e poderán contemplar as distintas asociacións viquingas caracterizadas que participan nestas xornadas. Tamén haberá obradoiros para todas as idades.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
