Lugo, 22 de xullo de 2017.- A Consellería de Infraestruturas e Vivenda incorporará, tal e como se comprometeu, aos concellos de Alfoz e do Valadouro no novo Plan de Transporte Público de Galicia e introducirá dúas novas paradas en cada un destes municipios o que garante a súa conexión tanto co Hospital da Costa como co resto das liñas de transporte da comarca e da provincia.
Así o explicou o delegado territorial da Xunta, José Manuel Balseiro, quen indicou que a nova liña fará un percorrido entre A Seara (Alfoz) e a estación de autobuses de Burela. Precisamente a modificación ten por obxecto dar resposta ás demandas dos veciños e corrixir a situación actual, xa que estes dous concellos hoxe carecen destas conexións.
En particular as catro novas paradas estarán, no que respecta ao concello de Alfoz en A Seara e Vilaude e, no que respecta ao do Valadouro, nesta mesma localidade e en Ferreira. A liña continuará por Foz (con paradas en Santa Icía, Casa da Cultura, estación de autobuses e Nois) e por Burela (Hospital da Costa, Palacio de Cristal e estación de autobuses)
Balseiro subliñou que a incorporación destes concellos dá bo exemplo de que con participación e disposición a colaborar pódese mellorar o plan, incrementar servizos e ofrecer un transporte adaptado ás necesidades dos veciños, sobre todo no rural, tal e como sempre defenderon desde a Consellería de Infraestruturas e Vivenda e, de feito, incorpora as alegacións que neste senso realizaron ambos concellos.
No conxunto da Mariña lucense o novo Plan de Transporte Público, deseñado pola Xunta, non só garante a continuidade dos servizos, senón que os incrementa notablemente. De feito, tal e como lembrou o delegado, multiplica por seis o número de paradas con respecto ao modelo actual e ofrece novos percorridos grazas á integración das liñas de transporte escolar e o modelo de solicitude á demanda.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
