Burela, 21 de xullo de 2017. O alcalde, Alfredo Llano, fai unha chamada á solidariedade e anima aos seus veciños e veciñas a doar sangue. Unha unidade móbil estará en Burela o 29 de agosto durante toda a xornada. O rexedor vai enviar cartas informando desta campaña.
Llano dixo: “estamos tratando de facer unha campaña conxunta a Axencia Galega de Doazón de Sangue e Órganos e o Concello de Burela para procurar que este verán haxa unha motivación especial para facer doazóns no noso concello”.
O rexedor subliñou que “Burela acadou o ano pasado unha taxa de 34 doazóns por cada 1.000 habitantes, que é unha boa cifra, pero a media está entre 40 e 60 doazóns. Esa campaña o que pretende agora de verán é acadar esa cifra. A motivación non é acadar unha cifra concreta, senón que estea baseada na solidariedade da xente para procurar axudar a aqueles outros que van necesitalo nun momento determinado”.
Para o alcalde “hai que ter en conta que en verán xúntanse que os doantes se desprazan e que pode haber máis necesidade derivada de accidentes de tráfico. Estamos pensando en facer esta campaña especial para o 29 de agosto, que é martes. Aínda falta máis dun mes pero queremos anuncialo con moito tempo de antelación e imos facelo a través dos medios, e ao mesmo tempo queremos facer un chamamento a través dunha carta que se vai mandar a cada un dos veciños de Burela para tratar de motivalos e se poden que fagan unha doazón”. A unidade móbil estará situada na praza do Concello de 10:45 a 14 horas pola mañá e de 17 a 21 horas pola tarde.
Alfredo Llano lembrou que “poden facer doazóns todas as persoas que teñen entre 18 e 60 anos e pesen máis de 50 quilos. A Axencia Galega de Doazón de Sangue e o Concello de Burela procuraremos atender a esta necesidade e motivar aos nosos veciños para que sexan solidarios, que xa o son, e dentro das súas posibilidades poidan aportar polo menos unha extracción”.
Alfredo Llano fai unha chamada á solidariedade da veciñanza de Burela para que doen sangue o vindeiro 29 de agosto. Unha unidade móbil estará durante toda esa xornada na praza do Concello
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
