Barreiros, 5 de xullo de 2017. A Concellería de Medio Ambiente, consciente da importancia de concienciar á cidadanía na necesidade de manter limpo o litoral e preservar o medio ambiente, desenvolverá unha campaña de sensibilización nas praias baixo o lema Que o que volte ás nosas praias sexas ti.
A finalidade desta campaña, dirixida a toda a poboación do concello, así como aos turistas que nestes días visitan o concello mariñán, será a de informar e concienciar aos bañistas na necesidade de manter os areais e as augas limpas.
A través desta campaña preténdese lembrar aos usuarios que deben recoller o lixo xerado durante a xornada de praia e depositalo nos contedores destinados para tal fin. De aí o lema: Que o que volte ás nosas praias sexas ti e non o teu lixo.
A campaña desenvolverase nas principais praias e puntos turísticos de Barreiros durante días 7 e 8 e do 15 ao 19 de xullo en horario de 15:00 a 19:00, segundo deu a coñecer nesta xornada o alcalde, Alfonso Fuente.
Dous monitores medioambientais especializados na materia serán os encargados de explicar a aqueles que se acheguen ata o punto informativo as claves da correcta separación de residuos e indicarán qué tipo de contedor é o axeitado para cada residuo xerado.
Os participantes nesta campaña de concienciación medioambiental serán obsequiados cun agasallo, co obxectivo de premiar a súa contribución a manter limpas as praias de Barreiros. Ademais realizarase unha enquisa e todas as persoas que participen nela recibirán unha camiseta de regalo.
Alfonso Fuente Parga anima “a veciñ@s e visitantes a participar nesta campaña co obxectivo de manter os areais o máis limpos posible, así coma todo o municipio. É moi importante a concienciación”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
