O PP de Lourenzá denuncia “o estado deplorable” no que o Concello mantén as pistas municipais

LOURENZÁ, 6 de xullo de 2017.- O PP de Lourenzá denuncia “o estado deplorable” no que o Concello mantén as pistas de titularidade municipal. E é que, segundo indican, practicamente todos os viais que xestiona a entidade local “teñen tanta maleza que incluso se fai difícil a circulación polos mesmos”, afirman.

“O Concello é o responsable directo de manter en perfecto estado todos os camiños e pistas, e non se pode consentir o estado salvático no que se atopan a maioría dos accesos das parroquias, incluídas as vías principais do municipio”. E é que este abandono tamén se pode apreciar na franxa de seguridade das fincas privadas e dos núcleos de poboación.

Neste senso, critican a falla de xestión por parte do Goberno local facer cumprir a ordenanza que deixara aprobada o anterior goberno e que obrigaba a manter as parroquias limpas de maleza, así como outras disposicións legais que establecen que se as entidades locais non poden asumir estes traballos, se faculta aos veciños para facelo, aplicando a posteriori os custos subsidiarios.

Queixa unánime
“É unha queixa simultánea e unánime en todas as parroquias”, afirman. É por elo que a proliferación de maleza trae de cabeza aos cidadáns. Invade o acceso a pistas, así como o escaso espazo dalgunhas beiravías e ata encarama nalgunha vivenda. A vexetación, nalgúns casos, tamén dificulta a visión na circulación. Trátase, por tanto, dun “pasotismo exacerbado” por parte dos responsables locais. “É unha vergoña. Non hai mantemento”, destacan os populares.

É por este motivo polo que no último Pleno este Grupo pediu á alcaldesa polos traballos de desbroce sen obter resposta por parte do Goberno.