Lugo, 5 de xullo de 2017. A Deputada de Cultura, Deseño e Artesanía, Pilar García Porto, e a Concelleira de Cultura, Carmen Basadre Vázquez, inauguraron este mércores a mostra fotográfica Infinito Caduco, do artista Denís Estévez, que estará exposta ata o 31 de agosto na Sala de Exposicións do Pazo de San Marcos. A exposición complementase cun roteiro fotográfico, totalmente gratuíto, polo paseo do río Rato, que terá lugar o vindeiro 27 de xullo.
García Porto destacou “dende o Goberno da Deputación cremos importante promover este tipo de iniciativas relacionadas coa fotografía e o arte contemporáneo en xeral, co obxectivo de promocionar e impulsar o traballo dos artistas galegos. Temos o privilexio de contar por primeira vez na nosa provincia con esta mostra de Denís Estévez, que retrata, co seu característico punto de vista e cunha gran foza poética, a natureza, a paisaxe e o medio ambiente que rodea aos nosos ríos galegos, centrándose nos detalles que normalmente pasan desapercibidos para todos nós.”
A mostra Infinito Caduco, que xa estivo exposta na galería Luisa Pita de Santiago de Compostela, é unha colección de 33 pezas, no que Denís Estévez reflicte a grandiosidade da natureza galega, cos ríos como eixe condutor, a través de transparencias, pequenas ramas ou o reflexo do sol. Todo o traballo fotográfico que se amosa na mostra está feito polo fotógrafo compostelán sen ningunha manipulación dixital da imaxe. Ademais, a exposición conta con proxeccións de imaxes realizadas por Denís Estévez.
Roteiro fotográfico
Con motivo da exposición Infinito Caduco, o 27 de xullo celebrarase un roteiro fotográfico polo paseo do río Rato, dirixido a maiores de 12 anos, co obxectivo de compartir experiencias e achegar distintas técnicas e métodos fotográficos. Durante a xornada, aproveitarase para facer un xantar á beira do río. É necesario levar unha cámara dixital, comida e bebida. O horario é de 11:00 a 17:30 horas e a saída terá lugar dende o Pazo de San Marcos. Os interesados poder inscribirse nas oficinas do Museo Provincial de Lugo e no 982 242 112.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
