Trabada (Lugo), 4 de agosto de 2017.- O delegado territorial da Xunta, José Manuel Balseiro, afirmou que a Xunta de Galicia destinou dende o pasado ano 2 millóns de euros a impulsar a economía e mellorar as dotacións no municipio de Trabada, tanto mediante servizos de xestión propia como a través de subvencións ao concello ou axudas a particulares, como é o caso dos titulares de explotacións agrarias.
Balseiro realizou esta afirmación durante a visita ás obras realizadas en varios camiños de titularidade municipal ao abeiro do Plan Marco. Trabada acometeu no 2016 melloras nos camiños de acceso a Louro, Pacios, Rego de Galo e Vilarfernando, e igualmente no enlace entre a LU-P-6161 e a N-640, que suman en total 4,2 quilómetros.
A Consellería do Medio Rural xa ten en marcha un novo programa do Plan Marco que permitirá ao concello continuar con estas actuacións, sumando un investimento de máis de 96.000 euros nestas dúas últimas convocatorias.
O delegado afirmou que “a Xunta é a administración que máis inviste en Trabada”, e lembrou “os máis de 1,2 millóns de euros de axudas da PAC pagados o pasado ano ou os case 200.000 euros do programa de incorporación de mozos á actividade agraria, que contribúen ao desenvolvemento económico e a fixar poboación no municipio”.
No eido da política social, destacou os máis de 84.000 euros destinados no 2016 ao servizo de axuda no fogar a persoas en situación de dependencia. A Xunta tamén propiciou contratación de persoal para servizos municipais por preto de 59.000 euros, entre eles 5 persoas desempregadas a través do Aprol Rural, e catro socorristas nas dúas últimas campañas, que comparte con Lourenzá.
Tamén con Lourenzá e Barreiros comparte os obradoiros de emprego, correspondéndolle a Trabada 153.000 euros nos dous aprobados dende o pasado ano.
Balseiro subliñou tamén os investimentos realizados pola Consellería de Presidencia, Administracións Públicas e Xustiza: 74.290 euros no 2016 para melloras na casa do concello, nas pistas de Lanvadeira, casanova e Rabexa de Abaixo e noutras infraestruturas rurais. Este ano o concello realizou unha nova solicitude ao abeiro do programa de infraestruturas de uso público, de concorrencia competitiva, pero non acadou a puntuación mínima necesaria.
Si lle corresponderon, sen embargo, 15.800 euros para o proxecto de mellora de eficiencia enerxética do pavillón Celso Currás e 74.000 euros dunha subvención compartida con Lourenzá para o servizo de mantemento de espazos naturais, iniciativas financiadas por Presidencia mediante o Fondo de Compensación Ambiental.
O delegado referiuse tamén a outras actuacións financiadas, como as melloras na Casa da Cultura, ou ás liñas de axudas dirixidas a particulares “coas que a Xunta pretende mellorar as condicións de vida dos veciños e veciñas de Trabada, co obxectivo de consolidar a actividade económica favorecendo así o establecemento da mocidade no municipio”.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
