Burela 22-9-17. Por fin, a liga de LNFS volve a Vista Alegre. O Pescados Rubén Burela FS recibirá mañá, na 2ª xornada de Segunda División, a ElPozo Ciudad de Murcia. O partido, que comezará ás 19.30 horas, poderá seguirse en directo por streaming con LNFS.
“Vai ser un encontro moi igualado. Estivemos traballando os cortes e a profundidade que teñen en ataque” explicaba Renato, moi ilusionado con poder conseguir os primeiros puntos da tempada neste complicado reto. “Juanma pediunos oficio e ser fieis ao que estamos traballando nos adestramentos”, advertía o 12 laranxa, artífice dun dos penaltis que lles deu aos mariñáns o pase a dezaseisavos da Copa do Rei esta semana, fronte ao Auzoak Ziérbena. “Foi un partido difícil, como esperabamos, nunha cancha difícil, pero por fortuna, con traballo e coa sorte dos penaltis, ao final puidemos gañar”.
ElPozo, que adestrará esta tarde no pavillón burelao, chega á Mariña con 3 puntos na súa cuadrícula, tras impoñerse por 2-1 ao Manzanares na primeira xornada.
Convocatoria Pescados Rubén Burela FS: 4. Víctor, 5. Hélder, 6. Luisma, 7. Chus, 9. Colacha, 10. Matamoros, 11. Cora, 12. Renato, 13. Álex, 14. Pope, 19. Luismi, 20. Kelson
Convocatoria ElPozo Ciudad de Murcia: 3. Josema, 15. Guillamón, 16. José Mario, 23. Piqueras, 27. Yera, 28. Cobarro, 29. Tabuenca, 30. Gilbert, 34. Paniagua, 36. Sanabria, 38. Cámara, 44. Gambín
Carnés dispoñibles
Os socios/as laranxas que aínda non recolleran o seu carné poderán facelo en Vista Alegre mañá, coincidindo co partido. Durante a semana, están dispoñibles na oficina da entidade (avenida Arcadio Pardiñas 91, baixo).
Horario de atención ao público: De luns a xoves entre as 10.00-14.00 e as 16.00-19.00 horas e os venres de 10.00 a 15.00 horas
Tarifas de socios/as para 2017-18
Individual: 80 euros Familiar: 140 euros
Xubilado: 50 euros
Abono 25 (de 18 a 25 anos): 25 euros
Menores de 18 anos: Gratuíto
Santiago Futsal, en Copa do Rei
Dezaseisavos de Copa do Rei terá arrecedendo irmandiño en Vista Alegre. O Pescados Rubén recibirá o Santiago Futsal nesta eliminatoria, a partido único, que se disputará entre o 10 e o 11 de outubro.
•Noia Portus Apostoli – O Parrulo Ferrol
•Pescados Rubén Burela FS – Santiago Futsal
•Deporcyl Guardo FS – Aspil-Vidal Ribera Navarra
•Castelldefels CCR – Catgas Energía
•Bisontes Castellón – Peñíscola RehabMedic
•Rivas Futsal – Levante UD FS
•Real Betis Futsal – Palma Futsal
•Tenerife Iberia Toscal – Gran Canaria FS
•CD UMA Antequera – Jaén Paraíso Interior
•Software DELSOL Mengíbar – Plásticos Romero Cartagena
•FS Valdepeñas – Ríos Renovables Zaragoza
•Manzanares FS – C.A. Osasuna Magna
•Leganés FS – Naturpellet Segovia
•ITEA Córdoba CF Futsal – ElPozo Murcia
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
