Lugo, 13 de setembro de 2017.- A Consellería de Política Social vén de anunciar un novo aumento do Servizo de Axuda no Fogar a persoas que teñen limitada a súa autonomía persoal (SAF Dependencia) que se vén de facer efectivo a partir deste mesmo mes de setembro.
O delegado territorial da Xunta en Lugo, José Manuel Balseiro, anunciou que na provincia o incremento tradúcese nun aumento da partida orzamentaria de 2,9 millóns de euros, repartidos en 25.710 horas adicionais de prestación mensuais, o que supón que, cada ano, se porá a disposición dos concellos 308.515 horas complementarias no Servizo de Axuda no Fogar. Deste xeito, a partires de setembro estarán a disposición dos concellos 148.917 horas mensuais (horas actuais máis incremento).
Un 47% máis de usuarios
Con esta medida, a Xunta responde ás necesidades de novos usuarios dos concellos e que están pendentes de atención, habilitando a atención adecuada ás persoas demandantes con base tanto nas súas necesidades actuais como na súa situación económica.
Estes novos beneficiarios do SAF sumaranse ás 2.876 persoas da provincia que ata o de agora viñan recibindo esta axuda, aumentando en máis de 1.352 persoas os potenciais beneficiarios, un 47% de incremento. Deste xeito, o Executivo autonómico confire un novo impulso ao Sistema para a autonomía e a atención á dependencia (SAAD) e, en especial, a este servizo. Ademais, este novo aumento nas horas de SAF Dependencia á disposición dos concellos leva unido un incremento do financiamento estimado.
A opción preferidas polas persoas maiores
Balseiro salientou a boa valoración deste servizo, prestado polos concellos e financiado pola Xunta, xa que as persoas en situación de dependencia e os seus familiares e coidadores prefiren esta fórmula que permite envellecer debidamente atendido e vivir na casa. As recomendacións dos expertos e dos organismos internacionais defenden tamén dar prioridade nos sistemas de atención a aqueles recursos que permiten facer efectiva esta opción. Apuntou que “o servizo público de axuda no fogar é o recurso máis demandado pola poboación maior”.
“O incremento de financiamento e das horas dispoñibles obedecen ao compromiso do Goberno galego de propiciar a atención adecuada ás persoas solicitantes en base ás súas necesidades” indicou Balseiro. Este novo reforzamento do servizo de axuda no fogar converte a Galicia na primeira Comunidade Autónoma en canto á porcentaxe de persoas atendidas a través deste servizo sobre o total das prestacións recoñecidas.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
