Ribadeo, 18 de setembro de 2017. A Asociación de Profesores de Automoción de Galicia, que preside o ribadense Álvaro Doural, traballa nun novo proxecto europeo xunto aos seus socios doutros países no que os vehículos híbridos e eléctricos serán os protagonistas, empregando o soporte do libro electrónico.
Doural explicou que “a idea é que se empece a traballar nun tema que está aí xa, que son os vehículos híbridos e os vehículos eléctricos, utilizando o mesmo soporte de libro electrónico dado que agora esa formación e ese bagaxe de profesores e alumnos non se pode perder, hai que continuar”.
O responsable de Apaga sinalou que “se vai intentar presentar un proxecto nese senso para que durante dous anos se poida traballar iso, coa idea de xerar uns materiais para que a xente que teña que facer post venta, é dicir, que teña que facer o mantemento deses equipos, teña unha información moi clara de cómo pode utilizar eses vehículos, cómo facer o mantemento e cómo pode reparalos”.
Para Álvaro Doural “estamos falando de que é un cambio de chip totalmente. Co coche eléctrico vaise abandonar totalmente a motorización tal como está neste momento cara a un sistema totalmente distinto. A idea é que utilizando ese soporte do libro electrónico, que eu creo que é un soporte moi bo, meternos noutro campo”.
Deste xeito aludía ao remate do proxecto Erasmus +, que estes días se estivo a avaliar en Ribadeo xunto aos socios de Apaga en varios países europeos. O venres pola tarde tivo lugar a presentación dos produtos elaborados nos dous anos de traballo do devandito proxecto, que foron seis libros electrónicos “que tocan temas moi diversos, desde temas de motores, diagnose, chasis, caixas automáticas, hai unha variedade importante. Son seis libros que van estar en distintos formatos, en web, en plataforma moodel e en libro electrónico. Pódese acceder desde calquera ordenador, non necesita ningún software especial. Tamén aquela xente que estea interesada que se poña en contacto con nós para facilitarlle a forma de ter o editor para poder facer os seus propios libros electrónicos”. Ese acto de presentación contou coa presenza da deputada provincial responsable de Economía, Mayra García Bermúdez, e do alcalde de Ribadeo, Fernando Suárez.
Onte, domingo, remataba a estadía en Ribadeo dos 10 profesores chegados de cinco países da UE (Polonia, Estonia, Croacia, República Checa e Italia) para participar na xuntanza de avaliación final deste proxecto Erasmus + . Os asistentes, ademais de acudir ás sesións de traballo, aproveitaron para coñecer Ribadeo, Barreiros e Mondoñedo, entre outros lugares da comarca. Álvaro Doural fixo un balance positivo deste encontro e da promoción turística realizada desta zona.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
