Mondoñedo, 14 de setembro de 2017.- A alcaldesa de Mondoñedo, Elena Candia, lémbralle ao Goberno da Deputación de Lugo que os veciños xa se amosaron no seu momento en contra de que as instalacións do Mirador Os Paredones da localidade se convertan nun albergue de peregrinos.
A rexedora fixo estas declaracións tras coñecer hoxe que o Goberno provincial ten a intención de destinar esta infraestrutura da súa titularidade a este uso, un feito que traería consigo consecuencias negativas para a localidade, xa que implicaría levar aos peregrinos fóra da cidade o que provocaría, polo tanto, “que o casco histórico perdese vida”. É dicir, “afástanse aos peregrinos tres quilómetros arriba do centro”, a maiores, de que o Camiño Norte non descorre por onde está ubicado o Mirador. Trátase, polo tanto, dunha iniciativa que “non xera riqueza na localidade, nin aceptan os propios veciños”.
A rexedora lembra que incluso tras o debate en Pleno da Deputación dunha iniciativa promovida polo Partido Socialista en outubro de 2014 para destinar o Mirador a albergue de peregrinos; o propio PSOE aceptou unha emenda do Bloque Nacionalista Galego que deixaba entrever as súas dúbidas sobre que o Mirador fóse un albergue de peregrinos, ao pedir un uso máis amplo e diversificado para estas instalacións. Polo tanto, Candia precisa que de ter a intención de converter o Mirador nun albergue de peregrinos, os socialistas “deberían ter en conta a opinión dos veciños que dixeron non a un albergue fóra da cidade, e mesmo o BNG non o tiña claro no seu día”.
Ante esta situación, o Goberno local anuncia que levará a Pleno unha iniciativa a través da que manifesta o seu rexeitamento a que o Mirador se converta nun albergue de peregrinos.
Unha colaboración pouco ambiciosa
No que respecta a que a Deputación de Lugo solicitase un obradoiro de emprego financiado pola Xunta de Galicia para actuar no Mirador, a rexedora agradece esta decisión “despois das moitas peticións que levamos trasladado”, ao tempo que lembra que os socialistas son os responsables de que esta infraestrutura de titularidade provincial “se atope nun estado total de abandono, tras esquecérense dela durante anos”.
De todos xeitos, a alcaldesa considera que a implicación económica da Deputación continúa a ser moi pouco ambiciosa e lembra que a Xunta de Galicia achega para esta primeira fase das obras máis de 223.967 euros fronte aos 50.000 euros que aporta a Deputación de Lugo.
Polo tanto, as obras que sufraga a Xunta de Galicia, nun importe moi considerable respecto á Deputación e dando emprego a 20 persoas, inclúen acondicionamento de parcela, limpeza e adecuación do interior da edificación, acondicionamento dos peches de protección dos desniveis, limpeza e reparación da cuberta da pizarra e reparación da carpintería exterior.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
