Mondoñedo, 22 de setembro de 2017.- O Goberno local promove un proxecto de dixitalización do patrimonio musical mindoniense co obxecto de que non se perda e persista ao longo dos séculos, podendo ocupar un lugar importante dentro do repertorio musical a nivel internacional.
A alcaldesa de Mondoñedo, Elena Candia, e o edil de Educación, Mocidade e Novas Tecnoloxías, Alberto García, deron hoxe a coñecer esta iniciativa que consiste en dixitalizar as obras que teñen os veciños na súa propiedade. Este proxecto vaise desenvolver na Escola de Música e o arquivo dixitalizado do material gardaríase en Mondoñedo e sería difundido a todos os centros culturais de referencia que así o solicitasen.
Dun xeito máis preciso, Alberto García explica que este proxecto vai resultar moi laborioso, xa que “entendemos que poden existir obras moi antigas e será preciso tratalas co máximo coidado e delicadeza”. Todo o material musical existente sería escanado, e no caso de non ser posible, sería transcrito e sempre devolto aos seus propietarios á maior brevidade posible. Os propietarios deste material engrosarán unha lista de persoas que cederon material cultural e os seus nomes figurarán, co consentimento dos mesmos, expostos ao público e coma participantes de honra neste proxecto.
O director da Escola de Música, Xan Carballa, indica que esta idea de dixitalizar obras musicais que están gardadas nos faiados dos fogares “é algo que se tiña que facer para non perder estas obras musicais e así, poñelas tamén á disposición de todo o mundo, sempre baixo a custodia da Escola de Música. Este proxecto consiste en que os que desexen colaborar se despracen ata a Escola de Música, o persoal arquiveiro procederá a escanealo e as partituras serán devoltas o mais rápido posible para ocasionar os menores trastornos aos seus propietarios”.
Por este motivo, dende o Concello solicitan a colaboración dos veciños e veciñas para que este proxecto de dixitalización do patrimonio musical mindoniense se poda levar a cabo. “Pedimos concienciación e agradecemos a todos os mindonienses que se sumen a esta iniciativa para poñer en valor o patrimonio cultural local”
Por último, Elena Candia precisa que unha das tarefas principais deste Concello “é por en valor todo aquelo que contribúa a facer medrar o noso patrimonio cultural. A música sempre estivo moi presente en Mondoñedo e por ese motivo queremos que ese patrimonio non se perda e persista ao longo dos séculos e poda ocupar un lugar importante dentro do repertorio musical internacional”. Neste sendo, a rexedora engadiu que “a música, ao igual que a literatura, faise grande canto máis se difunde e canta máis xente a coñece. Esa é a nosa misión, que se poda coñecer a nosa cidade, aos nosos intelectuais e aos nosos veciños fóra das nosas fronteiras”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
