Mondoñedo, 16 de setembro de 2017.- A alcaldesa de Mondoñedo, Elena Candia, e o concelleiro de Educación, Mocidade e Novas Tecnoloxías, Alberto García, fixeron entrega hoxe dos premios aos galardoados no II Concurso de ornamentación de balcóns e fachadas ‘Florea o teu Balcón’, durante un acto no que puxeron en valor este tipo de iniciativas, que contribúen a mellorar a imaxe que proxecta a cidade grazas á contribución dos cidadáns.
Durante a entrega de premios celebrada no Salón de Plenos da Casa do Concello, os veciños que ocuparon os primeiros postos no concurso recibiron cadanseu diploma acreditativo para colocar xunto ao balcón e unha recompensa económica, que ascendeu á unha contía de 250 euros para o primeiro posto; 200 euros para o segundo, 150 euros para o terceiro; 100 o cuarto; 75 euros para o quinto premio e, por último, 50 euros para o sexto premio.
Alberto García lembra que, do primeiro ao sexto, os galardoados foron Albina Iglesias Verdes (Avda. San Lucas, 6); Cristina de Palacios Caro (Praza da Catedral, 12); Ángeles Sánchez Armesto (Carroceira, 7); Óscar López López (Muíños de Arriba, 9); Berta Ares Rubiños (San Lázaro, 121);e José Manuel Losada Moreda (Progreso, 20).
No transcurso do acto, o edil de Educación quixo agradecer a colaboración e a boa acollida que un ano máis tivo este concurso por parte dos veciños e veciñas ao tempo que valorou de xeito moi positivo os resultados acadados ata o punto de que a boa calidade dos traballos chegou a provocar que o fallo do xurado estivese moi disputado, incluso se tivo que votar ata dúas veces para elixir os primeiros postos.
Alberto García, quen tamén agradeceu a implicación amosada polos membros do xurado, defende que a contribución cidadá “axuda en moi boa medida a poñer máis bonita a nosa cidade” e incluso este tipo de iniciativas, engade, sumaron en positivo para que o Concello recibise recoñecementos como o Premio Turismo de Galicia pola súa aportación ao Camiño Norte.
Polo tanto, dende o Goberno local valoran a enorme importancia que ten a contribución cidadá á hora de mellorar a imaxe de Mondoñedo, e consideran que con estas iniciativas, sumadas ao traballo promovido dende o Concello, “conseguiremos ofrecer a mellor cara da nosa cidade ante os visitantes”, precisou a alcaldesa de Mondoñedo.
Neste mesmo eido, Elena Candia tamén anunciou que dende o Goberno local se está a traballar na fórmula que nos permitirá dar “un paso máis neste eido e motivar á xente para que pinte e acondicione as fachadas das vivendas”
Recepción no Concello
Pola súa banda, a alcaldesa de Mondoñedo recibirá esta tarde no Salón de Plenos da Casa do Concello á Federación do Noroeste da Peña do Athletic Club de Bilbao. Elena Candia promocionará entre os membros da Federación os recursos turísticos da localidade, aos que fará entrega dunhas entradas para visitar a Cova do Rei Cintolo.
Esta visita da Federación do Noroeste da Peña do Athletic Club de Bilbao está organizada pola Peña Iribar de Foz, e durante a súa estancia na cidade teñen previsto acercarse ata a Catedral.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
