A Mariña, 29 de novembro de 2017. A Mancomunidade de Municipios da Mariña elabora unhas bases para que os clubs e deportistas mariñanos poidan levar o patrocinio da Mancomunidade e dese xeito promocionar turisticamente A Mariña. A iniciativa está pensada para aqueles que realicen a súa actividade fóra de Galicia ou de España.
O presidente da Mancomunidade de Municipios da Mariña, Alfredo Llano, dixo que “nos parece que o deporte en si mesmo pode ser un bo distribuidor da propaganda que nosoutros queremos impulsar a través dos equipos, dos atletas ou de xente que practique deporte en varias modalidades. É unha forma de promocionar a Mariña cun patrocinio directo para impulsala como xeodestino turístico”.
Alfredo Llano anunciou que “imos sacar unhas bases para que todo aquel que estea interesado sexa equipo, particular ou unha asociación que poida levar máis alá das fronteiras da nosa autonomía o nome de A Mariña para promoción a nivel nacional ou internacional. Queremos darlle ese impulso. Trátase de que o slogan e a promoción turística chegue máis aló das fronteiras galegas”.
O presidente da Mancomunidade sinalou que “hai atletas que van correr a Alemaña, a Xapón e a diferentes sitios do mundo que poden levar o noso slogan perfectamente, sempre pode ser unha chamada de atención. Hai equipos tamén profesionais ou semiprofesionais que tamén van a moitos lugares de España, de Europa ou a outros países do mundo que tamén sería bo que puidéramos acoplarlles un anuncio da Mancomunidade”.
Llano comentou que “este ano por diversas causas non é moito o volume de cartos que temos, son uns 5.000 euros para distribuír, pero intentaremos da maneira máis xusta atender a algún equipo ou persoa que queira colaborar con nós nesta fórmula de promover e dar a coñecer a Mariña a través do deporte en todos os ámbitos ata onde poidamos chegar”.
A mancomunidade de municipios da Mariña promocionará a comarca a través de clubs e deportistas aos que patrocinará. O ente elabora as bases polas que se rexirán esas colaboracións
Relacionado
-
O grupo provincial do BNG esixe á Xunta as axudas comprometidas para as produtoras de faba, que teñen que afrontar xa os gastos de nova campaña
-
O PSdeG de Viveiro acusa ao PP “de usar unha sanción como escusa e lembra a débeda millonaria que deixou en 2003”
-
A Xunta reúnese co Concello de Mondoñedo para ampliar e mellorar o servizo de atención temperá
Está organizado pola Asociación Cultural e Artesanal de Mulleres Palilleiras "As Encaixeiras" e conta co apoio do Goberno galego. O porto de Burela é o escenario no que as palilleiras convocadas amosan o seu traballo ás persoas que se achegan. O programa inclúe tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
