A vindeira fin de semana, o sábado 18 de novembro, a delegación de cultura do concello de O Valadouro vai celebrar, xa inmersos nunha climatoloxía outonal o xa tradicional mercado de outono. Ainda quedan prazas para que se anoten postos e poden facelo en horario de mañá no 982571516. Desde as 10 da mañá, pola rúa Andrés López Palmeiro contaremos con de artesania e produtos de tempada. A media mañá no posto do concello, contarase cunha degustación de caldo de castañas e ó remate da mañá sortearase entre todos os asistentes un lote de produtos. A nota musical aportaraa a s.c.r. ledicia de Burela dentro do programa musiqueando da Deputación de Lugo. A xornada rematará coa celebración do tradicional magosto no pavillon polideportivo municipal a partir das 21:00h. As notas musicais serán co dúo Eclipse.
Mercado de Outono e magosto tradicional no Valadouro
Relacionado
-
Ducias de persoas participaron este sábado na II Andaina Ribadeo en marcha contra o cancro, organizada pola AECC. A saída tivo no parque de San Francisco e seguiu pola rúa Villafranca del Bierzo, Avenida Calvo Sotelo ata a Illa Pancha e volta ao punto inicial
-
Pastoriza celebrou con éxito este venres a segunda edición da Festa da Xuventude, que reuniu unhas 230 persoas nunha cea popular seguida dunha animada verbena con actuacións locais
-
Saída de vía dun turismo en Ribadeo
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
