Cervo, 29 de novembro de 2017.- O Concello de Cervo, a través da delegación de Educación, xa comezou a impartir os obradoiros de motivación e reforzo das habilidades dos rapaces na Casa da Cultura de San Cibrao.
Os cursos, impartidos por profesionais especializados na materia, están a ter gran acollida entre os mozos, tal e como puideron constatar o rexedor de Cervo, Alfonso Villares e a edil de Educación, Dolores García Caramés, que compartindo unha sesión con eles.
Tal e como recordaron deseñáronse tres cursos. O programa FORTIUS, que promove competencias persoais, mediante un conxunto integrado de coñecementos, habilidades e actitudes, co fin de fortalecer psicoloxicamente ao rapaz, traballando a prevención de dificultades emocionais, contribuíndo a desenvolver unha personalidade saudable e a fomentar o seu benestar. Vai dirixido a rapaces de entre 8 e 12 anos, e impártese todos os martes de 18:45 a 19:45 horas.
Pola súa banda o taller “PÁRATE E PENSA” está dirixido a mellorar a concentración e a reflexividade, a desenvolver habilidades de autocontrol, incidindo no manexo das emocións; contribuíndo así a reforzar, de xeito indirecto, as relacións sociais e o rendemento académico. Vanse impartir un total de 22 sesións. As 15 primeiras centradas no desenvolvemento da atención e a reflexión; e as seguintes na aplicación de auto instrucións nas situacións interpersoais. Esta dirixido a nenos de entre 6 e 7 anos, e ten lugar cada martes de 17:00 a 18:00 horas.
Son cursos lineais, de formación continua, polo que a inscrición xa está pechada. Pero dado o interese que están a suscitar, o Concello de Cervo ten previsión de programar novas edicións de cara aos vindeiros meses. Os interesados poden informarse no teléfono 982.87.91.16.
Por último, o terceiro obradoiro está adicado ás técnicas de estudo. Nas sesións avalíanse as estratexias de estudo individuais, e ensínanse técnicas para facer resumos, esquemas, traballan as estratexias de comprensión lectora e técnicas mnemotécnicas. O obradoiro está dirixido a rapaces de 1º e 2º da ESO; e impártese os xoves en horario de 19:00 a 20:00 horas. O prazo prazo para anotarse neste obradoiro permanecerá aberto durante todo o curso. As inscricións deben formalizarse na Casa da Cultura de San Cibrao ou no teléfono 982.87.91.16.
O rexedor apuntou que estes obradoiros non foron concibidos como clases particulares de apoio nin moito menos; senón que por medio deles e da man de persoal cualificado “pretendemos brindarlles aos mozos as ferramentas necesarias para contribuír a desenvolver as súas habilidades; algo que, directa ou indirectamente, tamén pode influír na mellora do seu rendemento escolar”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
