Lugo, 19 de decembro de 2017. O Deputado de Medio Ambiente, Argelio Fernández Queipo, presentou este martes a nova programación de actividades medioambientais, gratuíta e para persoas de todas as idades, que o Goberno Provincial ten preparada para o primeiro trimestre do 2018 no Centro de Interpretación Terras do Miño. Son 13 iniciativas moi variadas (sobre poda, xardinería de reciclaxe, compostaxe, horticultura, conferencias, campamentos urbanos…) con 445 prazas. O prazo de solicitude abrirase mañá mesmo a partires das 12:00 horas en www.deputacionlugo.gal.
Fernández Queipo destacou que “con estas actividades poñemos en valor a biodiversidade da nosa provincia, a riqueza da mesma e as oportunidades que nos ofrece. Cumprimos con éxito a nosa responsabilidade como xestores da Reserva da Biosfera de Terra do Miño, que é achegar aos veciños a riqueza natural deste territorio e aproveitalo de xeito sostible. Mostra disto é que rematamos a programación de actividades do 2017 contando coa participación de máis de 2.000 lucenses, uns 450 máis que no 2016”.
Foron un total de 2.040 as persoas que participaron entre xaneiro e novembro deste ano nas actividades de Terras do Miño. No 2016 foron 1.575 prazas o que supón un incremento de 465 participantes máis.
Programación
Todas as actividades levadas a cabo polo Goberno da Deputación terán lugar no Centro de Interpretación Terras do Miño, agás o Obradoiro de iniciación ás aves acuáticas invernantes que tamén se celebrará na Lagoa de Cospeito.
Actividades destinadas aos adultos
– O 20 de xaneiro de 10:00 a 14:00 horas, Curso de iniciación á poda. Nº de participantes: 20.
– O 25 de xaneiro de 19:30 a 21:00 horas, Conferencia Formas curiosas e rechamantes no mundo dos cogomelos. Nº de participantes: 40.
– O 3 de febreiro de 10:00 a 14:00 horas, A compostaxe: De refugallo a recurso. Nº de participantes: 20.
– O 10 de marzo de 10:00 a 14:00 horas, Obradoiro A horta na casa. Nº de participantes: 20.
– O 17 de marzo de 10:00 a 14:00 horas, Actividades de relaxación e contacto. Nº de participantes: 40.
Actividades para familias
– O 13 de xaneiro de 10:00 a 14:00 horas, Obradoiro Xardíns verticais empregando materiais reciclados. Nº de participantes: 20.
– O 17 de febreiro de 10:00 a 14:00 horas, Obradoiro de iniciación ás aves acuáticas invernantes. Nº de participantes: 20.
– O 3 de marzo de 10:00 a 14:00 horas, O teixugo na Reserva da Biosfera Terras do Miño. Nº de participantes: 20.
Actividades infantís
– O 2, 3 e 4 de xaneiro de 10:00 a 14:00 horas, Historia e Natureza da Nosa Terra. Nº de participantes: 20 (de 8 a 13 anos).
– O 26 de xaneiro de 17:00 a 20:00 horas e o 27 de xaneiro de 11:00 a 14:00 horas, Día Mundial da educación ambiental. Nº de participantes: 50.
– O 12, 13 e 14 de febreiro de 10:00 a 14:00 horas, 1º Entroido de ciencia e medio ambiente. Nº de participantes: 20 (de 6 a 16 anos).
– O 23 de febreiro de 16:00 a 20:00 horas e o 24 de febreiro de 11:00 a 14:00 e de 16:00 a 20:00 horas, Obradoiro descubrindo a arte na natureza. Nº de participantes: 25.
– O 26, 27, 28 de marzo e 2 de abril de 10:00 a 14:00 horas, Campamento Urbano. Nº de participantes: 25.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
