A Mariña, 19 de decembro de 2017. A Mancomunidade de Municipios da Mariña ven de publicar as bases para que os deportistas da comarca, clubs ou entidades soliciten axudas co fin de contar co patrocinio da Mancomunidade e así promocionar A Mariña nas viaxes que fagan fora de Galicia e fora de España. As bases desta convocatoria atópanse na páxina web da Mancomunidade de Municipios da Mariña e o prazo para presentar as solicitudes remata o día 10 de xaneiro.
O presidente da Mancomunidade, Alfredo Llano, explicou que “acabamos de publicar na sede electrónica da Mancomunidade as bases para que aquelas persoas ou entidades que queiran, poidan solicitar axudas para o ámbito deportivo que serva como base ou soporte para facer publicidade da Mariña”.
Llano subliñou que “é unha maneira diferente e singular de facer unha promoción turística da nosa comunidade, da comarca da Mariña. Temos para este ano 5.000 euros”.
O presidente da Mancomunidade de Municipios da Mariña animou “a toda a xente que queira participar. Teñen as bases na sede electrónica, no perfil do contratante aparece como se fundamentan, como hai que facer e os modelos de documentos para solicitar as axudas”.
Alfredo Llano engadiu que “hai quince días de prazo, saíu publicado onte e polo tanto xa empeza a contar desde hoxe e ata o día 10 de xaneiro que remata o prazo para solicitar este tipo de axudas. É importante que o saiba a xente en xeral, poden ser entidades ou particulares. Teñen que cumprir unhas condicións que están nas bases que acabamos de publicar na sede electrónica da Mancomunidade de Municipios da Mariña”
A Mancomunidade de municipios da Mariña publicou as bases das axudas a deportistas para que promocionen a comarca nas súas viaxes por fora de Galicia e de España
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
