Lugo, 29 de decembro de 2017. O Presidente da Deputación, Darío Campos Conde, deu conta sobre os asuntos que o Executivo aprobou na última Xunta de Goberno que tivo lugar este venres e informou que “rematamos o 2017, xerando outros 201 novos postos de traballo para lucenses no paro e investindo outros 560.000 euros na dinamización social da provincia a través do deporte e en colaboración co conxunto do tecido asociativo lugués”.
E é que o Goberno da Deputación resolveu hoxe as axudas de concorrencia competitiva de 2,4 millóns de euros do Ben Empregado 4, máis social, as de 485.000 euros para clubs e entidades deportivas da provincia e as de 75.000 euros para deportivas individuais tamén de todo o territorio lugués.
700 novos empregos
O Executivo aprobou a resolución definitiva das axudas de concorrencia competitiva de 2,4 millóns do Ben Empregado 4, máis social, que puideron solicitar todos os autónomos, PEMES e colectivos da provincia. Os beneficiados resultaron ser 201 entidades e asociacións luguesas, que ofrecerán outros tantos postos de traballo.
Campos Conde destacou que a vindeira semana se publicará no BOP a listaxe de entidades e colectivos beneficiados, así como os 201 perfís laborais que demandan, “todos eles dirixidos, exclusivamente, a lucenses actualmente no paro de todos os sectores”, pois os perfís son moi variados: camareiros, psicólogos, deseñadores gráficos, albaneis, pintores, educadores sociais, monitores de tempo libre, licenciados en dereito, enxeñeiros, xornalistas, mestres… entre outros. En xaneiro, abrirase o prazo de solicitude dos empregos.
O Presidente explicou que “dentro da nosa aposta por unha Deputación social e coas persoas, con estes fondos de 2,4 millóns financiamos o 100% os custos laborais durante 1 ano de 60 lucenses, hoxe no paro, por tratárense de veciños con capacidades diferentes, en risco de exclusión laboral ou por retomar a súa actividade laboral en colectivos sociais da provincia. Financiamos o 50% dos custos laborais doutros 141 lucenses, tamén hoxe no paro, pola súa incorporación laboral en establecementos de autónomos e PEMES da provincia”.
“Con estes 201 novos postos de traballo, xeramos no 2017 un total de 500 novos postos de traballo nos 67 Concellos da provincia para veciños no paro. Pero, tendo en conta todas as programacións de xeración directa de emprego que temos en marcha no conxunto do territorio lugués, son máis de 700 os postos de traballo que estamos a financiar a día de hoxe, facendo un importante esforzo inversor de 8,4 millóns de euros. No 2018, seremos de novo a administración galega que máis inviste en verdadeiras políticas de inserción laboral na provincia, pois destinaremos máis fondos, cun mínimo de 9 millóns do novo orzamento da Deputación”.
Impulso ao deporte
O Executivo da Deputación tamén resolveu as axudas de concorrencia competitiva, aberta a todos os lucenses, por valor de 560.000 euros cuxo obxectivo é a dinamización social da provincia a través do deportes. Desta cantidade, 485.000 euros son para colaborar coa actividade competitiva de 321 entidades e clubs deportivos, así como na celebración de multitude de eventos que organizan nos Concellos durante todo o ano. Outros 75.000 euros son para contribuír á actividade de 150 deportivas individuais da provincia, que compiten en distintas disciplinas deportivas: atletismo, natación, tiro olímpico, judo, ciclismo, pesca ou piragüismo, entre outras. Tamén se publicará nos vindeiros días no BOP a listaxe detalla de beneficiados destas axudas.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
