Ribadeo, 18 de decembro de 2017.- O novo plan de transporte público por autocar, deseñado pola Consellería de Infraestruturas e Vivenda, permitiu, na Mariña lucense, multiplicar case por catro o número de combinacións horarias e frecuencias semanais con respecto ao contrato anterior -pasarían de 89 a 318- e fixo posible incrementar de 24 a 32 as liñas que se prestan na actualidade.
Así o explicou o delegado territorial da Xunta en Lugo, José Manuel Balseiro, tras facer balance dos primeiros meses de funcionamento deste plan que, cos axustes puntuais que se introduciron, supuxo unha mellora substancial deste servizo público que redunda en beneficio dos veciños da comarca e, moi especialmente, da mobilidade do rural.
Máis frecuencias, novas liñas e transporte escolar compartido
Balseiro salientou que o novo plan introduce notables melloras, como por exemplo, o aumento das frecuencias da liña que une Ribadeo con Viveiro, operada pola UTE Morán-Rodriguez, con conexións cada dúas horas, en ambos sentidos, entre as 6.45 e as 22.45 horas.
O delegado territorial tamén puxo en valor que se estableceron novas liñas como a creada para comunicar, respectivamente, os municipios de Trabada, Alfoz e O Valadouro con Burela, concellos que co plan anterior carecían deste servizo; polo tanto, a Xunta dotou a estes concellos por primeira vez dunha liña de autobús regular.
A Xunta tamén acordou a ampliación da liña que procede de Ferrol, que antes remataba en Viveiro e agora chega ata Burela, incluída a conexión co Hospital, e que introduce novas paradas en todos os concellos de paso: Viveiro, Xove, Cervo e Burela.
Pero sen dúbida, unha das novidades do plan que funcionou de xeito moi satisfactorio, foi o novo servizo de transporte escolar compartido, que permite aos veciños subirse ao bus escolar e aproveitar as prazas baleiras, beneficiándose tamén os adultos destas rutas e horarios, ata tal punto de incrementar nun 33% o número de liñas dispoñibles con respecto ao plan anterior.
A integración das liñas de transporte escolar trouxo múltiples vantaxes, xa que permite un mellor aproveitamento dos recursos públicos e fai posible multiplicar a cobertura territorial dos autocares no rural; ademais de facer economicamente viables os contratos de transporte.
Web e APP con todos os horarios e liñas
Balseiro tamén avanza que a Consellería de Infraestruturas e Vivenda está a traballar, en coordinación coas empresas adxudicatarias para introducir futuras melloras, como por exemplo a creación dunha web e dunha aplicación para os móbiles, na que se incorporen, con actualizacións permanentes, os horarios de toda Galicia, así como a implantación do servizo de paradas á demanda.
O delegado territorial lembrou, finalmente, que esta primeira fase do Plan de transporte é consecuencia directa das renuncias da anterior empresa adxudicataria a seguir coas súas liñas. Isto obrigou á Xunta a activar de forma inmediata un procedemento extraordinario para asegurar que os cidadáns da comarca, e de gran parte da provincia de Lugo, continuasen dispoñendo dos servizos de transporte público por autocar.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
