Ribadeo 27-12-17. Hoxe os traballadores do Xulgado de Paz de Ribadeo non puideron realizar o seu traballo ata ben pasadas as 12 da mañá, tendo en conta que cando acudiron ao seu posto de traballo a 1ª hora, atopáronse con que non había luz e ao tentar solucionar o problema os diferenciais volvían saltar. O Concello enviou un operario para solucionar o problema, facéndoo de forma provisional.
Esta situación vén dada pola falta de entendemento entre o Concello e a Dirección Xeral de Xustiza.
A situación que teñen que soportar os traballadores do Xulgado desde hai varios anos é terceiromundista. Cada vez que chove, non queda máis remedio que colocar cubos para recoller a auga que cae do teito e fíltrase polas paredes afectando á instalación eléctrica e equipos informáticos e acabará afectando os libros de inscricións do Rexistro Civil de Ribadeo, co que isto supoñería para os habitante e os que teñen algunha inscrición no devandito Rexistro.
Por outra banda, ao afectar á instalación eléctrica, o risco de incendio por curtocircuíto é moi elevado, así como o de caída do teito ou das paredes afectadas pola auga.
O mantemento do edificio corresponde ao Concello que o único que fai é parchear no momento, pero non soluciona o problema que se volve a repetir unha vez tras outra.
Os traballadores dependen da Dirección Xeral de Xustiza, que non toma cartas no asunto, deixando desamparados aos seus traballadores, aínda sendo consciente dos riscos de accidente que soportan con esta situación.
As dúas administracións implicadas, Concello e Xunta de Galicia, o único que fan é pasarse a pelota e botar a culpa ao outro.
A resposta do concello é que non ten medios para levar a cabo a reforma adecuada e que necesita a axuda da Xunta, axuda que se lle nega.
A resposta da Xunta é que a propiedade e o mantemento do edificio corresponde ao Concello e que o único que este pretende é que a Xunta lle arranxe o edificio.
Este sindicato, falou varias veces con ambas as partes non logrando solución algunha ao problema, polo que se presentou denuncia ante a Inspección de Traballo, quen contestou dicindo que actuaría cando tivese informe do Comité de Prevención de Riscos, informe que está pendente, tras a visita realizada polo servizo correspondente o pasado mes de novembro.
Mentres tanto os que sofren a falta de entendemento das dúas administracións son os cidadáns de Ribadeo e os traballadores, que día tras día arríscanse a sufrir un accidente.
Desde a CIG cremos que a solución, de forma urxente, pasa polo entendemento entre Concello e Dirección Xeral de Xustiza, acometendo o traslado do Xulgado de Paz a outras instalacións, ben do Concello ou ben asumindo o aluguer dun local adecuado.
O Sector de Xustiza da CIG quere poñer en coñecemento da opinión pública, a situación do Xulgado de Paz de Ribadeo
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
