Ribadeo, 2 de febreiro de 2018. Estíbaliz Veiga e Juan Aramburu serán os condutores da gala do Entroido de Ribadeo o vindeiro 10 de febreiro. O 13 será o desfile e o 17 a Queima. O Concello e Acisa, organizadores do Entroido 2018, animan aos ribadenses, hostaleiros e comerciantes a disfrazarse e a saír á rúa.
O programa de actividades dará comezo este fin de semana coa Festa dos Freixós no Teatro. Así, xa dende o sábado a partir das 12.00 horas poderase degustar esta sobremesa típica do Entroido.
Desde ao organización explican que “xa metidos de cheo na troula o 10 de febreiro ben cediño contaremos cun pasarrúas a cargo da Charanga Os Charangos, que animarán as rúas desta vila. Ás 21.00 horas no Teatro continuaremos coa celebración da Gala do Entroido, que xirará entorno a temática Hollywoodiense onde a risa e a sorna están asegurados. Unha hora antes os membros da Carroza do Entroido sairán do parque de San Francisco disfrazados de actores, actrices e personaxes da meca do cine, acompañados dunha das charangas máis importantes de Galicia Charanga Mekánika. Animamos a todo o mundo a que se inspire nesta temática para as súas caracterizacións e nos acompañe, ao igual que o farán outros grupos carnavaleiros da vila. Dende a organización animamos a que trala gala, ribadenses e visitantes manteñan a troula nos bares da localidade”.
Os organizadores engaden que “a gala do Entroido será guiada polos afamados actores/actrices recén chegados de Hollywood, Estíbaliz Veiga e Juan Aramburu, encargados de dar o pregón e conducir a gala. Ademais estarán acompañados de invitados moi especiais”.
No programa de actividades do Entroido 2018 non faltará a comparsa do cocho, que o domingo, 11 de febreiro, a partir das 12:00 horas percorrerá as rúas de Ribadeo acompañada das charangas da vila Aturuxo e A Choca. Xa pola tarde a partir das 17:00 horas, tócalle aos máis pequenos, e así se desenvolverá o tradicional baile infantil de disfraces na discoteca Rosalar coa animación do Grupo Cholo e Nela con Vinte anos dando a nota.
Desde a organización sinalan que “o luns animamos aos entroideir@s a degustar o cocido polos establecementos e a pasar unha velada divertida nos locais de hostalería. O martes 13 será o día do gran desfile, que sairá ás 17:00 horas da tarde da Avenida Rosalía de Castro para percorrer as principais rúas de Ribadeo: San Roque, Virxe do Camiño, Avenida de Galicia, Pérez Martínez, Avenida de Asturias, Clemente Martínez Pasarón, Dionisio Gamallo e rematará diante do Concello”.
Novidades
Como novidade este ano, as inscricións deberán facerse previamente da seguinte maneira: No Rexistro das oficinas municipais ou a través do correo electrónico turismo@ribadeo.org, podendo atopar as bases e ficha de inscrición no taboleiro de anuncios da sede electrónica da páxina web do Concello (http://ribadeo.gal/). O prazo de inscrición rematará o 12 de febreiro ás 14:00 horas da tarde momento no que pecha o rexistro do Concello. Os dorsais serán entregados o mesmo día do desfile entre as 15.30 e as 16.30 horas á entrada do Teatro.
Para obter información sobre a maneira de inscribirse recoméndase chamar por teléfono á Oficina de Turismo de Ribadeo (982 128 689).
Tamén por primeira vez, e para o bo funcionamento do desfile, e despois de desbotar a posibilidade de acurtalo, terase moi en conta a fluidez da marcha dos distintos participantes, que deberán seguir unha serie normas:
•En ningún momento do percorrido poderá haber máis de 15 metros de distancia entre grupo e grupo.
•As charangas, comparsas, grupos e carrozas non poderán facer máis de 7 paradas de exhibición ao longo do recorrido.
•Cada parada de exhibición non poderá superar os tres minutos de duración.
•Todos os participantes deberán respectar as indicacións dos membros da organización, debidamente identificados ao longo de todo o recorrido.
Este ano os galardoados que desexen obter o premio ese mesmo día terán que achegar unha fotocopia do DNI ou no caso de pertencer a unha asociación fotocopia do CIF.
E xa o sábado 17 de febreiro terá lugar a queima do Entroido. Trátase dun dos actos máis destacados do Entroido de Ribadeo. Ás 21:00 horas sairá a comitiva fúnebre das inmediacións do Concello e trasladarase ata a Avenida Rosalía de Castro, onde terá lugar a queima do Entroido, seguida dunha sesión de fogos artificiais e da monumental traca.
Os organizadores recomendan “a todo o mundo a seguir a páxina de facebook do Entroido de Ribadeo, do Concello e de Acisa Ribadeo, para estar a o tanto das novidades e da actualidade carnavaleira”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
