Ibán Sánchez Rodríguez, novo concelleiro do BNG no Concello de Cervo

Cervo, 15 de febreiro 2018. Na sesión ordinaria do Pleno do Concello de Cervo celebrada este xoves 15 de febreiro tomou posesión do seu cargo de concelleiro Ibán Sánchez Rodríguez, despois de que o actual concelleiro e portavoz Ramón Luís Bernardo Insua renunciara á acta por razóns estrictamente persoais.
Ibán Sánchez tén 39 anos, é técnico forestal e traballa en Alcoa. Participa da vida asociativa e cultural de varios colectivos do concello. Nas eleccións municipais de 2015 ocupou o segundo posto na lista do BNG que encabezara Ramón Luís.

Desde a asemblea local do BNG en Cervo e tamén desde a dirección comarcal parabenizan ao novo concelleiro e trasladanlle ánimos para o seu novo cometido, ao tempo que agradecen o traballo desenvolvido polo compañeiro Ramón Luís que deixa a primeira liña na política municipal pero que seguirá colaborando na asemblea local.

Ibán Sánchez manifestou o seu desexo de continuar no concello a liña de traballo definida xa polo BNG en Cervo no programa que presentaran nas pasadas eleccións municipais, para cambiar as fórmulas de actuar do Partido Popular e abrir o concello á participación da sociedade, recuperando a institución para poñela ao servizo de todas e todos.

O novo concelleiro nacionalista tamén se referíu aos compañeiros do Bng que o precederon como concelleiros nos últimos anos e que realizaron unha importante labor, en referencia a R.L. Bernardo Insua e a Xoán Estúa.