Ribadeo, 26 de febreiro de 2018. O alcalde, Fernando Suárez, anunciou hoxe o inminente inicio das obras de mellora das rúas Francisco Lanza e Alfredo Deaño. O investimento ascende a 315.000 euros que aportarán o Concello e a Deputación de Lugo, a través do Plan Único. Unha vez que rematen estes traballos pola rúa Alfredo Deaño circularase non só sentido e por Francisco Lanza nos dous. O rexedor envía estes días cartas informativas aos veciños e veciñas deses viarios sobre o inicio das devanditas obras.
Fernando Suárez informou hoxe “do inminente inicio na execución das obras de mellora das rúas Francisco Lanza e Alfredo Deaño. Unhas obras importantísimas, cun orzamento de máis de 315.000 euros, que sufragamos o Concello de Ribadeo e máis a Deputación de Lugo, a través do Plan Único, confirmándose outra vez máis que a Deputación é o organismo, máis aló do Concello, que lle axuda a Ribadeo, tal e como se ve nestas obras potentísimas”.
O alcalde dixo que “estas obras serán para modificar, mellorar, humanizar e embelecer toda unha zona educativa dos colexios, deportiva e residencial, porque aí ademais de que vive moita xente tamén está a residencia de maiores que canto antes poñeremos en funcionamento”.
Suárez Barcia explicou que “imos cambiar todos os pavimentos, modernizar as beirarrúas. Concretamente no caso da rúa Alfredo Deaño, esas beirarrúas van ser máis amplas do que son agora mesmo, dado que neste momento non cumpren as normativas mínimas para un paso seguro e cómodo dos peóns, significando que son transitadas diariamente por centos de rapaces e rapazas que van aos institutos e aos colexios. Ao mesmo tempo aproveitaremos tamén para modernizar as instalacións soterradas existentes como pluviais, de subministro eléctrico ou de alumeado público. Tamén imos colocar novas farolas, mobiliario urbano, árbores e habemos eliminar as barreiras arquitectónicas”.
O rexedor sinalou que “para o caso concreto da rúa Alfredo Deaño, dado que imos acometer unha ampliación das beirarrúas, significará que ao remate destas obras esta rúa quedará nun só sentido de circulación, desde a rotonda do Xardín ata a estación de Feve, e a rúa Francisco Lanza manterá os seus dous sentidos actuais, tal e como nos indican desde a Policía Local de Ribadeo, para unha mellor circulación do tráfico e do fluxo dos vehículos”.
Fernando Suárez engadiu que “as obras van durar dous meses aproximadamente. Habemos facer molestias como sempre, habemos facer ruído, habemos facer po, pero, como sempre digo, para facer tortilla hai que romper ovos. Eu penso que ben vai pagar a pena un tempo de certas molestias para que o resultado final de toda esta área, de toda esta zona onde vive moita xente, pero onde frecuenta moitisima máis, sobre todo escolares e dentro de pouco tempo xente ben maior que irá a residencia, e queremos polo tano ter toda esta zona empatenada e como se merece”.
O alcalde envía estes días cartas aos residentes nas rúas Alfredo Deaño e Francisco Lanza para comunicarlles o inicio destas obras.
O Alcalde de Ribadeo anuncia o inminente inicio das obras de mellora das rúas Francisco Lanza e Alfredo Deaño. O investimento ascenderá a 315.000 euros e o prazo de execución será de 2 meses
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
