Lugo, 24 de febreiro de 2018.- Os socialistas lucenses celebraron este sábado o I Congreso Provincial tras o 3º Congreso no que foi ratificado o nomeamento de Álvaro Santos Ramos como primeiro Secretario Xeral elixido en primarias e se constituíu a nova Executiva. Máis de 150 persoas se deron cita neste encontro logo de terse ampliado ao máximo o numero de delegados por agrupacións municipais para unha maior participación e transparencia no partido.
Deste xeito, Santos Ramos informou sobre o traballo levado cabo nos “últimos 2 meses e 2 días”, dende a integración da Executiva Provincial Socialista, apuntando que “o primeiro foi impulsar a renovación das executivas locais e o nomeamento de todos os delegados”, tendo “a organización preparada de cara as vindeiras eleccións municipais de 2019”, así como “avaliar a conxuntura na que nos atopamos”.
Neste senso, o Secretario Xeral informou sobre a elaboración dunha “enquisa sobres aspectos da sociedade” e detallou que “os nosos veciños non senten que a recuperación económica da que se fala repercuta nas súas vidas. Están preocupados principalmente pola situación de desemprego, da falla de oportunidades económicas condicionada polo abandono das infraestruturas e polo desmantelamento da sanidade pública. Recoñecen o traballo que os socialistas fixemos e estamos a facer no conxunto da provincia. Non perdemos fuelle electoral senón que recuperamos espazo e marcamos a axenda política da provincia mentres o Partido Popular cae e outras formacións políticas non conseguen asentarse na provincia”.
Santos Ramos destacou que “durante estes 2 meses, traballamos para situar as preocupacións e demandas dos nosos veciños no centro da actividade” e detallou o traballo levado a cabo en defensa de hemodinámica 24 horas e da mellora das infraestruturas e conexións coa provincia.
“Avaliamos o recorrido xudicial que podería ter o desprezo e o incumprimento do Partido Popular con hemodinámica e provocamos a ampliación deste servizo”.
“Expuxemos e denunciamos o abandono no que se atopan cada unha das infraestruturas do Estado na nosa provincia, situando este asunto capital para o desenvolvemento da nosa provincia e que repercute na situación desa falla de oportunidade e de emprego pola que están preocupados os nosos veciños no epicentro da actividade política. Conseguimos que as estruturas estatais condicionen o seu apoio a un pacto de infraestruturas a que a provincia de Lugo estea incluída, pois o Goberno Central non nos ten en conta”.
“Acadamos que Portugal se sume á nosa proposta de que Monforte sexa o nodo loxístico ferroviario do noroeste peninsular, defendendo no Eixo Atlántico o plan de transporte de mercadorías que o Partido Socialista acadou no 2010 e que o PP fixo desaparecer”.
“Sumamos os esforzos das dúas plataformas en defensa da sanidade pública que hai na provincia para defender no seu conxunto a sanidade pública da nosa provincia ante o desmantelamento que está a levar a cabo o Partido Popular dende a Xunta de Galicia”.
“Estamos a avaliar polo miúdo o maltrato que o PP dende a Xunta de Galicia ten sometido aos Concellos da nosa provincia, discriminándoos na distribución de fondos autonómicos a través de convenios totalmente arbitrarios”.
O Secretario Xeral informou sobre outros asuntos nos que está a traballar a Executiva Provincial, atendendo á “base demoscópica”, como “a sensación de inseguridade de moitos veciños, especialmente de zonas rurais”.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
