Cervo, 14 de marzo de 2018.- O alcalde de Cervo e Vicepresidente Primeiro da Fegamp, Alfonso Villares, foi o encargado de moderar en Santiago de Compostela, o encontro de alcaldes de Portugal e Galicia que tivo lugar no salón de actos da Federación Galega de Municipios e Provincias.
A cita, na que participaron unha trintena de rexedores de Galicia (o rexedor de Brión, José Luis García, o de Ames, José Miñones, o de Ribadeo, Fernando Suárez e o de Ponte Caldelas, Andrés Díaz) e Portugal foi concibida como un intercambio de experiencias en materia de prevención de incendios.
En concreto da veciña Portugal participou a Comunidade Intermunicipal da Rexión de Coímbra (CIM- RC), que é unha asociación de municipios (NUT III) que integra aos concellos de Arganil, Cantanhede, Coímbra, Condeixa-a-Nova, Figueira da Foz, Góis, Lousã, Mealhada, Mira, Miranda do Corvo, Montemor-o- Vello, Mortágua, Oliveira do Hospital, Pampilhosa da Serra, Penacova, Penela, Soure, Tábua e Vila Nova de Poiares.
A razón desta visita foi que tras os incendios forestais ocorridos en 2017 na rexión portuguesa, que destruíron cerca de 122 mil hectáreas de área forestal e causaron numerosas mortes, a CIM decidiu realizar unha visita a Galicia considerándoa unha rexión onde son aplicadas as mellores prácticas. O obxectivo desta visita era coñecer toda a estrutura de protección civil, emerxencias, xestión e prevención forestal da Xunta de Galicia, a fin de permitir o intercambio de experiencias e así adquirir nova metodoloxía de preparación e intervención.
Villares resaltou que o encontro foi moi positivo en todos os sentidos “e serviu para poñer sobre a mesa as diferentes políticas de prevención e liñas de traballo deseñadas para abordar esta problemática”.
Na súa intervención, Villares defendeu a necesidade de incidir na prevención “como a mellor arma para tentar loitar contra esta lacra; e neste senso, en materia de política forestal é fundamental a implicación de todos os actores, Administracións (Xunta, Deputaciós e Concellos) e cidadáns; para, entre todos, artellar os mecanismos que salvagarden os nosos bosques”.
Así mesmo, o rexedor de Cervo, tamén fixo fincapé na importancia de buscar o rendemento produtivo da nosa terra, aproveitala para que produza riqueza; “porque unha xestión responsable pode ser o acicate que contribúa ademais a revitalizar o noso rural”.
Villares remarcou que non debemos demonizar ningunha especie, porque non hai dúbida de que o monte arde porque alguén lle planta lume; pero si que resulta primordial respectar a normativa en materia de plantación de árbores, nomeadamente daquelas de crecemento rápido, “porque unha adecuada xestión da súa ubicación, densidade ou manexo, fai compatible a súa explotación coa doutras masas árboradas autóctonas e produtivas, podendo converterse estas últimas en opcións moi favorables ademais para o asentamento de nova poboación no rural”.
O alcalde presentou na sala o Plan de Reforestación Integral que iniciamos no Concello de Cervo fai dez anos en 5 fincas de titularidade municipal “consistente na repoboación destes bosques, que suman máis de 20 Ha, con árbores do país, e a día de hoxe xa son máis de 8.000 as especies -entre castiñeiros, carballos e frondosas autóctonas- que plantamos”.
Recordou que os obxectivos que perseguimos desde o Concello de Cervo con esta política medio ambiental son “traballar pola prevención de incendios, facendo unha aposta polo autóctono; así como o aproveitamento produtivo do monte, que será herdanza para as futuras xeracións; e a defensa do patrimonio forestal galego”.
Villares tamén abordou as diferentes actividades que se programan ao longo do ano no eido educativo co fin de concienciar aos rapaces desde pequenos en materia medio ambiental “de tal xeito que organizamos conxuntamente cos centros educativos varias saídas para que eles mesmos se impliquen na plantación de especies autóctonas nas parcelas municipais”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
