O Valadouro 14-3-18. A vindeira semana, no Valadouro estaremos a celebrar unha das FESTAS máis importantes de todo o ano para todos e cada un dos veciños e visitantes que se acheguen ata a nosa vila.
Este ano contamos con varias novidades como é a exposición de Pepe Blanco que estará na sala de exposicions da Casa da Cultura entre o 23 de marzo e o 27 de abril coa temática: “XURUCIDO E MARQUESADO: OS ZOQUEIROS DO VALADOURO”.
O pregón nesta ocasión correrá a cargo dunha recoñecida persoaxe valeca: LIONEL REXES que se celebrará no salón de actos da casa da cultura o venres 23 de marzo a partires das 21:30horas despois do pasarrúas con que vai amenizar Amado Lar por Ferreira.
Para rematar esta xornada, contaremos cunha exhibición de baile en zocas a cargo, tamén da Asociación Cultural Amado Lar ,nas taboas do Salón de Actos da Casa da Cultura.
Pasamos ao día grande do mercado, o sábado 24 de marzo, con moita actividade xa desde ben cedo coa apertura do mercado dos postos de venta ás 10:00horas e que durante toda a xornada estarán na rúa Andrés López Palmeiro.
As actividades orientadas para o público familiar e infantil ocuparán a meirande parte da xornada con espazos onde os pais poderán deixar os seus nenos para que coñezan os xogos tradicionais e os costumes de antes como é o ludo-enxebre na praza de Santa María ou mesmo aprender o arte da pesca da man da asociación de pescadores “Amigos do Ouro”, un paseo en cabalo ou mesmo xogos tradicionais a carón da piscina….
Como novidade este ano contamos cunha actividade de tiro con arco para todos os públicos no aparcadoiro da R/ Andrés López Palmeiro.
Xa pola tardiña contaremos con espectáculos infantís e familiares na carpa da Praza con actuación de títeres, contacontos, obradoiros musia….
Outra das novidades deste ano son os oficios tradicionais onde contaremos cunha pequena representación: Ferreiros, Zoqueiros, etc…
Tamén de novidade este ano está a concentración de coches clásicos e de vespas na Avenida da Veiga e no aparcadoiro municipal a carón da piscina.
Na mesma liña de outros anos están o xa mítico fotoenxebre que estrá ubicado na baixada da igrexa e a ruta de tapeo tradicional polo locales hostaleiros.
A nota musical enxebre estará co grupo do Valadouro MASEDA que van a deleitarnos cunha excelente sesión vermú para dar paso a parte dos distintos grupos de cantos de taberna ós pasarrúas de Festicultores Troupe.
Non podemos esquecernos do pasarrúas e da exhobición de baile rexional con que nos vai amenizar a asociación cultural Amado Lar desde ben cedo.
Un dos pratos fortes da xornada é o xa famoso:
“DESFILE TRADICIONAL” onde este ano contaremos con desfile de ZOCAS, ZOCOS e ROUPA TRADICIONAL onde se valorará cada unha das categorías para Home, Muller, Neno e Nena.
Despois de tanta actividade, a xornada rematará co concerto na Praza de “A Banda da Balbina” eo primeiro ZOCAN´ROLL do Valadouro co concerto do mítico grupo galego ASTAROT.
Preparade as zocas, as caiadas, os zocos… e as mellores galas para disfrutar dun evento inesquecible… non esquezas que tamén podes compartir con todos o teu selfie-enxebre relacionado con todas as experiencias e imaxes vividas neste ano 2018.
#MercadodePrimavera2018
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
