Ortigueira, 12 de xuño, 2026A Unión Sindical Obreira (USO) fixo pública a súa posición respecto ao proceso de elaboración da Relación de Postos de Traballo (RPT) do Concello de Ortigueira, deixando constancia da súa situación e das accións realizadas ao longo do procedemento. O sindicato non participou nas fases iniciais da negociación ao non formar parte da Mesa Xeral nese momento, incorporándose á representación sindical municipal en xuño de 2023. Por este motivo, USO non interveu na configuración inicial do organigrama, das fichas de posto nin das valoracións técnicas orixinarias.
Tras a reactivación da Fase IV, a organización sindical participou activamente. Dentro do prazo establecido na Mesa celebrada o 16 de marzo de 2026, USO presentou diversas propostas de corrección técnica relativas a múltiples traballadores de distintas áreas municipais. Porén, tras recibir a documentación e a proposta de cambios do 1 de xuño de 2026, o sindicato comprobou con sorpresa que non se incluíu ningunha valoración —nin xeral nin individualizada— das suxestións presentadas, carecendo de resposta técnica, informe de aceptación ou rexeitamento motivado.
Deficiencias técnicas e falta de criterios homoxéneos
O documento definitivo revela variacións en puntuacións, niveis ou retribucións entre marzo e xuño sen explicación técnica obxectiva, o que xera dúbidas razoables sobre se estes cambios buscan camuflar complementos individuais previos e evitar a aparición de Complementos Persoais Transitorios (CPT).
USO achegou documentación fundamentada en normativa, decretos municipais, sentenzas e realidades funcionais para defender titulacións, categorías profesionais e especializacións axeitadas do persoal. A pesar diso, foron ignoradas solicitudes relativas a factores esenciais de valoración, como:
-Especialización e actualización de coñecementos, que se mantén como “ocasional” en postos que requiren formación continua.
-Aprendizaxe, con períodos de adaptación insuficientes para postos con normativa complexa.
-Vencemento, sen unha valoración homoxénea da carga real de prazos, memorias e subvencións.
-Dispoñibilidade, non reflectida conforme ás resolucións de alcaldía vixentes.
-Penosidade, esforzo físico e intelectual, sen valoración preventiva específica nin intervención do Comité de Seguridade e Saúde, detectándose incoherencias entre postos de natureza similar.
Puntos solicitados para acta e conclusión
Como xustificación da súa postura, USO solicitou que conste en acta:
1. Que presentou correccións técnicas fundamentadas dentro do prazo legal.
2. Que non existe constancia de informe técnico que analice, acepte ou rexeite motivadamente as solicitudes.
3. Que, de existir tal informe, se identifique de inmediato; e, de non existir, se faga constar expresamente a súa ausencia.
4. Que non debería someterse a votación a Fase IV da RPT sen analizar e motivar previamente as alegacións presentadas.
5. Que USO se reserva o exercicio de accións administrativas, laborais ou xudiciais se se aproba unha RPT sen motivación individualizada e sen criterios homoxéneos.
USO subliña que a súa intervención non pretende bloquear o proceso, senón garantir que unha ferramenta tan relevante como a RPT se tramite con transparencia, obxectividade, motivación técnica e respecto á participación sindical que merece o persoal do Concello.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
