O delegado territorial de Lugo, Alfonso Villares, sinalou que as obras están practicamente rematadas e servirán para atallar os problemas de humidade no templo
Lourenzá, 11 de setembro de 2026. A Xunta de Galicia está a executar obras de renovación da cuberta da igrexa de San Xurxo de Lourenzá, nas que inviste 122.500 euros. O delegado territorial de Lugo, Alfonso Villares, comprobou a marcha dos traballos, que están próximos a finalizar e servirán para atallar os problemas de filtración de humidades ao interior.
A actuación foi promovida pola Diocese de Mondoñedo- Ferrol e está financiada pola Consellería de Cultura, Lingua e Xuventude a través do convenio mixto entre a Xunta e as dioceses galegas para a conservación do patrimonio.
Afecta á cuberta do bloque principal, exceptuando o pórtico de entrada que xa estaba acondicionado; entre outros labores, analizáronse as pezas estruturais, renováronse os elementos de madeira necesarios e procedeuse á instalación do novo tellado de lousa en arredor de 400 metros cadrados de superficie.
O templo parroquial de San Xurxo de Lourenzá constitúe un elemento de interese do patrimonio cultural galego; está situado no lugar da Franca e integrado no ámbito do Camiño do Norte. Foi construído no século XVIII sobre un antigo castro e consta de nave con dúas capelas laterais, engadidas a principios do século XX, ademais do pórtico frontal. No seu interior destacan o retablo maior, do século XIX e estilo neoclásico, outro lateral de estilo barroco e un terceiro popular de diferentes épocas.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
