É nos anos setenta do século pasado cando principia unha progresiva desindustrialización nos países desenvolvidos. Este feito vai supoñer todo un cambio de modelo económico.
Por unha banda, acelérase as privatizacións e pola outra, aparecen en escena os chamados países emerxentes que, entre outras cousas, van aportar ao mundo capitalista unha inxente cantidade de man de obra moi barata e con escasos dereitos laborais.
Todo isto acabará dando lugar a un trasbordo de gran parte do sector industrial dende os países desenvolvidos aos países emerxentes, o que xerou nos primeiros un enorme baleiro laboral e un drama social de consecuencias devastadoras. En definitiva, a clase obreira pasaría a ser sacrificada no altar da globalización co pretexto de que, en tal situación, non hai outra alternativa .
Para a clase dominante está masacre da clase obreira era o precio que había que pagar para adaptar as economías occidentais á nova situación de globalización económica, que se compensaría coa tercerización da economía nos países desenvolvidos, multiplicando os empregos cualificados e, xa que logo, mellor remunerados. Pero estas anunciadas melloras, o que acabaron traendo foron millóns de empregos precarios no sector servizos e que daría lugar a Unha nova clase que coñecemos co nome de precariado (baixos salarios, emprego descontinuo, ausencia de identidade social e un futuro incerto).
Todo isto acabou coa descomposición da vella orde baseada na economía produtiva, para emerxer algo novo ao servizo das elites. Un tinglado financeiro e especulativo que polo de agora, ademais do empobrecemento de amplas camadas sociais e do obsceno enriquecemento dunha minorías, tróuxonos un aumento escandaloso das desigualdades, ademais de graves consecuencias políticas que empezaron co Brexit en Reino Unido e seguiron coa aparición do Trumpismo e a emerxencia da ultradereita en Europa. A isto hai que sumar a enorme crise na que se encontran os partidos tradicionais que foron considerados, con razón, cómplices deste novo desorde social e político que estamos a vivir.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
