Denuncian que a Xunta “ten abandonado Xove” e lembra que proxectos como a VAC Costa Norte seguen sen materializarse tras case dúas décadas de gobernos do PP
Xove, 12 de xuño de 2026. O Grupo Municipal Socialista de Xove acusou ao PP de converter a visita do presidente da Xunta de Galicia, Alfonso Rueda, nun acto de propaganda política “para a foto”, mentres —segundo denuncian— continúan sen resolverse problemas fundamentais do municipio e da comarca da Mariña. As e os socialistas critican que o Partido Popular utilizase a entrega das Bandeiras Azuis de Galicia 2026, celebrada na praia de Esteiro, como escaparate político, ao tempo que Xove segue á espera de investimentos e actuacións pendentes.
Desde o PSdeG lembran que Xove conta con outras praias —Coido, Portocelo, Morás e Lago—, pero só Esteiro dispón actualmente de bandeira azul. Sinalan tamén que Portocelo chegou a ter este distintivo, mais perdeuno por non cumprir as condicións ambientais esixidas. “O Goberno local do PP debería deixarse de propaganda e preguntarse por que catro praias do municipio non contan con bandeira azul”, afirman.
O grupo socialista denuncia ademais que estas praias carecen de servizo de socorrismo durante a tempada estival, malia que algunhas, como Portocelo ou Lago, reciben unha elevada afluencia de visitantes. “Cómpre preguntarlle tanto ao alcalde como ao presidente da Xunta se consideran aceptable que só unha de cada cinco praias teña bandeira azul e socorristas”, engaden.
Para o PSdeG, esta situación evidencia “a absoluta falta de compromiso do Goberno local do PP co medio ambiente, coa seguridade e coa calidade dos servizos públicos”. Reclaman actuacións urxentes para mellorar o estado das praias e recuperar os distintivos de calidade.
O grupo socialista volveu poñer enriba da mesa os problemas de saneamento no concello, lembrando que propuxeron en varias ocasións un programa específico para as parroquias de Lago, Morás, Portocelo e Xuances. “Non é admisible seguir apostando por fosas sépticas ou pozos negros no século XXI en zonas con potencial turístico”, subliñan.
Segundo o PSdeG, a visita de Rueda volve poñer de manifesto “a política do PP aplicada en Xove xunto a Demetrio Salgueiro: moitas fotos e propaganda, pero feitos ningún”. Aseguran que “a Xunta ten abandonado Xove e tamén a Mariña”, e piden ao presidente galego que aproveite as súas visitas para escoitar aos concellos e atender as súas necesidades reais.
Neste sentido, lembran a situación da VAC Costa Norte, comprometida hai dúas décadas e aínda sen executar. “Levan preto de 20 anos gobernando na Xunta e non fixeron nin un só quilómetro da VAC. Agora falan dunha pequena variante en Viveiro, pero A Mariña segue agardando por unha vía de altas capacidades fundamental para o seu futuro”, afirman.
Critican tamén a falta de avances noutros investimentos anunciados polo PP en Xove, como os pantaláns do Portiño de Morás, a ampliación do polígono industrial ou as melloras na traída de augas. “O que precisa Xove non son visitas para a foto, senón compromisos cumpridos, investimentos e actuacións concretas”, conclúen.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
