Hai gobernos que escoitan. E hai gobernos que simplemente agardan a que a xente deixe de protestar. O de Pedro Sánchez pertence ao segundo grupo.
Cando os distribuidores de Lugo advirten de que as axudas ao combustible non funcionan, o Goberno non escoita. Cando piden que as bonificacións e rebaixas fiscais que rematan a finais deste mes se prorroguen tampouco escoita.
Non se tratada dunha demanda partidista. Falamos de atender aos propios profesionais. Dos empresarios que cada madrugada cargan unha furgoneta para abastecer tendas, supermercados, bares e negocios. Dos que percorren centos de quilómetros ao día para garantir que os produtos cheguen aos lugares máis afastados. Dos que seguen mantendo emprego, actividade económica e servizos sen despedir traballadores e sen deixar tirados aos seus clientes. Daqueles que sosteñen unha parte esencial da economía real.
Esta xordeira na nosa provincia resulta aínda máis incomprensible. Vivimos nun territorio extenso, de poboación dispersa e rural. Unha provincia onde a distribución non é unha actividade secundaria, senón un servizo básico. Cada quilómetro conta. Cada litro de combustible conta. Cada incremento de custos acaba repercutindo nun sector que leva anos facendo auténticos equilibrios.
Os distribuidores non están pedindo subvencións permanentes nin privilexios especiais. Están reclamando que as axudas teñan en conta a realidade do seu traballo, que non se deixe fóra ás furgonetas e vehículos lixeiros dos que dependen centos de empresas e autónomos e que se prorroguen unhas rebaixas fiscais aos combustibles que rematan a finais deste mes. En definitiva, piden algo tan sinxelo como que depender do combustible para traballar non sexa tratado coma un luxo.
Cando o Executivo socialista deixa de escoitar aos cidadáns, aos sectores produtivos, cando ignora a quen crea emprego e riqueza e cando responde ao silencio con máis silencio, o problema deixa de ser económico para converterse nun problema político. E iso é exactamente o que está ocorrendo.
Mentres os distribuidores fan números para manter abertas as súas empresas, mentres os autónomos tentan absorber custos cada vez maiores e mentres moitos negocios do rural dependen da súa capacidade para seguir chegando a cada aldea e a cada parroquia, o Goberno segue instalado na autocompracencia e na propaganda.
Os distribuidores falan. E o sanchismo non escoita. Porque non hai peor xordeira que a de quen non quere oír.
José Manuel Balseiro, senador do PP de Lugo
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
