Foz, 8 de xuño de 2026. O Concello de Foz ten en marcha as obras de renovación do céspede artificial e do rego automático do Campo de Fútbol Municipal de Malates por un importe de 203.221 euros. Está actuación, que está previsto rematar nas vindeiras semanas, lévase a cabo grazas a un acordo acadado entre o goberno local socialista e o grupo municipal do Partido Popular.
O alcalde, Fran Cajoto; o concelleiro de Deportes, Ángel Fernández; e o voceiro municipal do PP, Javier Castiñeira; visitaron as instalacións deportivas de Malates hoxe, luns, para ver a marcha das obras.
Fran Cajoto explicou: “estamos renovando o céspede, a través dun convenio coa Deputación de Lugo, despois da adxudicación desta obra por 203.000 euros de investimento; e tamén cun acordo co Partido Popular, que solicitou esta inversión moi necesaria porque o céspede estaba en moi mal estado. Desde o Concello estamos traballando precisamente para que os clubs teñan as mellores superficies, os mellores campos de xogo. A Asociación Deportiva Santiago de Foz, o Club Deportivo Foz e tamén o Club Atletismo Ría de Foz utilizan estas instalacións. Con este rego subterráneo que se vai instalar e este novo céspede case podo dicir que vamos ter un dos mellores campos da provincia”.
E Javier Castiñeira comentou que visitou esta obra “con moita gratitude porque era unha petición que nos fixera a comunidade deportiva usuaria destas instalacións. Son moitos clubs e a verdade é que foi un pacto traballado politicamente no seu momento co equipo de goberno. Era unha necesidade, dado que había baches e polo tanto posibles riscos de lesións. Foi a comunidade deportiva e usuaria deste campo a que nolo pediu e así o fixemos dentro dese pacto para sacar adiante o contrato da auga. E eu creo que o final é positivo para todos e que van a quedar unhas instalacións estupendas e duradeiras. Con este campo botamos 15 anos e loxicamente o obxectivo é levar un bo mantemento para intentar superar ese tempo, que vai en función do mantemento que se faga”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
